سباق الخيل لناصر الفراعنة

قصيدة شاعر الثقلين ناصر الفرآعنه

بسمك اللهم منـزل سـورة الأحقـاف والأعــراف منـزلٍ ( قاف كاف ها يا عين صـاد )
عالم سر العباد ومهلك فرعون ذو الأوتاد عاد هل أرم ذات العماد ومن بنـوا صخـرا بـواد
جيت لا حي ولا ني ميت بين اقبلت بيـن اقفيـت احـط البيـت تلـو البيـت واشـد القيـاد
جيت للحفل اعدي شهلول هملول بردي قامت يدي تصفق يدي طبعي لجيت ابغـى القصيـد
جيت من ظلما قبر بالحفل ما جاني خبر لعيون امير من ملوك اهـل الوبـر واهـل المـدر
مازهمني غير بدر الشمري في الخامسة عصًرا وجيت أجري جري بامر العزيـز المقتـدر
جيت خيروجيت شر سر ضر وحلو مر وبين كر وبين فر انفـذ الايعـاز الـى اليميـن در
في مثل لمح البصر جيت العصر في حفل ابن خالد حفيـد القائـد الوالـد ولا نعـم الحفيـد
فيصل فيصل سمي السيف راع الكيف ريف الضيف برد صيف هيـف هيـف ليـس زيـف
من هل المجد الأبي العود منهم والصبـي مرملـة سـود العبـي نزالـة القفـر المخيـف
فوق قين وفوق خف وكل كف فوق كف الصف تلو الصف لين اشتف مـن شـف شفيـف
يوم تصرخ نارها هل من مزيد مسلسلينـه بالحديـد احمـر وريـد وكـل شيطـان مريـد
في سباق اليوم شفت الخيل خضب ليل راس وذيل قوم وقوم مـا بيـن النيـازك والنجـوم
يارمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم
كن تتابع حمرها مع شقرهـا جيـش مـن الرومـان قابـل مـن غـزاة التـرك قـوم
وشفت منها اشقر تقل مشروب خولاني اشقر صخرة في راس عنقر بـل وذو عـزم شديـد
ضوح سيالته فوقه مثل نار الموبذان او دير راهـب ولعـوا بـه شمعـدان ويـش اقـول
والله يا لولا الرسن فوقه يحوفه يانهار أرخى كتوفه ما تشوفه من عيونـك عيـن طـول
ما تقول الا شعاع الشمس في وقت الاصيل او سندس في جوف ليل مرصع جوهـر ولـول
اسمه المرسول كنه بموية التبر مغسول آليا صهل كنـه يقول : انـا هنـا الغـوج الوحيـد
يقفي قفاية جبان ويقبل قبالة شجاع وكن ساقـه فـي سياقـه مـن مساقـه صولجـان
لا عقاب ولا حمامة لا قطاة ولا نعامة مثل أبو زيـد سلامـة لا إنتهـض وسـط المكـان
لا تنشر ما تقول إلا رسول جا يبشر كن سرجـه فـوق مرجـه حـول درجـه طيلسـان
جرتـه يـوم اتتبـع لا مثلـث لا مربـع كالخديـوي متربـع فوقـه الجوكـي مهـيـد
لا تعصب ثم تنصب ما تقول إلا مقصب تاج كسرى ما تغصب عرض طول وطـول عـرض
فزته فزة قريص مونس بالساق لسعة في سباق النخبة التسعـة يـرى إن الفـوز فـرض
كن تفتاله تفتـل روس رهبـان تبتـل ركزتـه حافـر وحافـر زلزلـت فـي كـل ارض
تقل لا طوف حصان يقول له : هاه ؟ اقتنعت ؟ أوكيه ثاني مـرة إعـرف قيمتـك علـم وكيـد
الله اكبر والله اكبر تصغر القالـة وتكبـر يكسـر العايـب ويجبـر يـا بـدر علـم بـدر
الله اكبر والله اكبر يقبل العايـل ويدبـر يبتلـى المسلـم ويصبـر كـل فـوق لـه حـدر
شاعر ضابط مظلي مهندس ملـي بملـي اعبـد المولـى واصلـي ولا طلبـت الجـن در
جت بي أمي في رماده وأرضعتني في حماده يانميـر بن عبـاده جـدي الشاعـر لبيـد
من وأنا حي نسوني وفـي عباتـي كفنونـي هـل اذا مـت اذكرونـي لا ورب العاديـات
لا ورب العاديات الضبـح رب النازعـات الغـرق رب الناشطـات النشـط رب السابقـات
والله لو عندي فراغ إن قد رسمت الشعر صاغ وجبت ما لا جابه وأهل العصور الماضيـات
مير اشغلني الزمان وضرب أنس عند جان وعشرة راحـت ثمـان وصـرف عبـاد عبيـد
شاعر من خلقته ما قد شحذ بالشعر قرش ولا طلب في الارض عرش يموت قبل يقول أبي
من خلق ما شال هم إلأ ثنين ابا وأم الموت عنهـم بعـد كم ورضاهـم أقصـى مطلبـي
ولا هالدنيـا متـاع فرحتيـن ثـم ودآع القبـر بـاع فـي ذراع ولا جهلـه إلا غـبـي !!!
نفخ صـور ثم نشـور من قـبور ثم سعادة أو دبـور المسعـد أللـي ذآلك اليـومَ سعيـد
منقووووووول

.................................................. .....

يا أخي ويا ابن القبيله / فايز الكذيبه ............انا حسب وجهة نظري الخاصه واتوقع انها وجهة نظر اي شخص ينتمي للقبيله (بلي) انه يتمنى انك تنشر قصائد لي ابنا القبيله والشعراء اللي ينتمون لقبيلة بلي افضل من انك تنشر قصائد ناس يعتبرون هم الاشهر باالساحه الشعريه على ان عندك باالقبيله شعراء كبار ولكن عدم نشر قصائدهم مني ومنك ومن ابناء القبيله يعتبر عيب منا كاابناء قبيله ارجو من الله ثم منك انك تهتم بشعراء قبيلتك افضل وانا لا ارى ان الجبرتي والا بندر بن سرور والا ناصر الفراعنه والاغيرهم ينقصه الشهره لكي تزيده انت يااخي شهره ,,,,,,, اتمنى انك تتقبل ردي ومروري بكل رحابت صدر.................





تقبلوا تحياتي
اخوكم /قرنـــــــــاس العصباني

.................................................. .....

يا أخي ويا ابن القبيله / فايز الكذيبه ............انا حسب وجهة نظري الخاصه واتوقع انها وجهة نظر اي شخص ينتمي للقبيله (بلي) انه يتمنى انك تنشر قصائد لي ابنا القبيله والشعراء اللي ينتمون لقبيلة بلي افضل من انك تنشر قصائد ناس يعتبرون هم الاشهر باالساحه الشعريه على ان عندك باالقبيله شعراء كبار ولكن عدم نشر قصائدهم مني ومنك ومن ابناء القبيله يعتبر عيب منا كاابناء قبيله ارجو من الله ثم منك انك تهتم بشعراء قبيلتك افضل وانا لا ارى ان الجبرتي والا بندر بن سرور والا ناصر الفراعنه والاغيرهم ينقصه الشهره لكي تزيده انت يااخي شهره ,,,,,,, اتمنى انك تتقبل ردي ومروري بكل رحابت صدر.................





تقبلوا تحياتي
اخوكم /قرنـــــــــاس العصباني

صــــدقــــت