طيفه يجيني000؟

من قصائد * ربيع العمر

البارحه مـــا لاجت العـــين بمراح

يلعب بها الهاجوس والكـــل غافــي

أسهر مع الاحزان حتى الفجر لاح

الحزن والهـــاجوس بالجوف خافي

على عنود الـــــــــريم للقلب ذباح

طيفه يجيني مـــع نسيم الفـــــيافــي

من لوعته سهران والكل مـــــرتاح

بعـــد السلام وقـــــولته لـــي عوافي

اللي سقاني من العناء ســــم ذرناح

ولا ظنتي غيـــــره طبيباً مشـــــافي

راعي مزابيراً كمــــــــــا طلع تفاح

زمت نهوده واقفــــــــه بانعـــطافي

العود عـــــــود الفــل والعطر فواح

نحيل خصره واشقر الـقرن ضــافي

هلْ البرد من بسمته ضوح الاصباح

حـــدر الشفايا تاجـــد الشهد صافي

وان سلهمت ترسل شطيرات ورماح

سود هدبهن فـوق الاوجـــان زافي

سميها طيرا مـــــــع الروض صداح

يطـــرب له الشاعــر بنظم القوافي