غياب احساس

بسم الله الرحمن الرحيم


يسعدني التواصل بهذه القصيده

الغياب اللي أخذ اعز الأصحاب وعطاني=غربه ارحل عن مواجعها ويجهدني مداها
ماهو اقسي من غياب إحساس بغيابي نساني=لين شفت اني اشب الشوق عنوه واتباها
ياعذابي يالسهر يالليل ياباقي زماني=الشقا هذا حدا نفسي عليه اللي حداها
في بحر غيري وفاي ابحر موده والمواني=ننتظرها في شواطي ليتها ولا عساها
والصديق اللي دفعني يمه الشوق ودعاني=اقتبس من نيتي نيّه وفي نفسه نواها
يحسب اني جيت تايه ما درى اني جيت عاني=والدروب ادلها من مبتداها لمنتهاها
ودي ان عيون غيري زي ما ودي تراني=ماعلي من ودها والناس من يكشف خفاها
بكل ضيقه وإلتفاته انصدم باللي وزاني=كيف هذا طاف منزلتي وهذا كيف جاها
إيه يوم انظر واشاهد نفسي بعين الأناني=احسب انه طاف منزلتي وهو باقي وراها
ادري اني ماني بوقتي ولا اعلم عن مكاني=بس مهما صار اعز النفس وارفع مستواها
المعزه غاليه والعمر مثل المال فاني=والعيون اللي تبي عثراتي أكثر من سواها
كل ما شح الزمان بحلم والواقع عصاني=انسج من جروحي لروحي كفن يحفظ بهاها
وكل يوم ابني على الواقع من أحلامي مباني=الهبوب تهزها والسر عند اللي بناها
وكل نظره استرقها من شبابيك الاماني=اعتبرها لي سياحه من شقا الدنيا وعناها
ابتسم وارسم على وجهي ملامح شخص ثاني=ما عليه اكذب على نفسي وتسكت من حياها
حتى لو لسان واقع حالي يكذب لساني=الجروح إن طيحتني مقدر أدوّر دواها
مال دلوي في مجم ومارد الشكوى سواني=كود للي في رضاه تضحي النفس بهواها
كل ما صليت فرض تعود روحي في كياني=واسأل الله لا يعاقب نفسي بكثرة خطاها
احمدالله واشكره والله على الحق يهداني=واهني من الله ألهم نفسه الحق وهداها
مر هاجس والقصيده تمت وكل المعاني=واضحة والنار يحرق جمرها منهو وطاها

وللجميع التحيّه

احمدالله واشكره والله علـى الحـق يهدانـي
واهني من الله ألهـم نفسـه الحـق وهداهـا
مر هاجس والقصيده تمـت وكـل المعانـي
واضحة والنار يحرق جمرها منهـو وطاهـا

اخي محمد
اتت في وقتها بالامانه تذوقت شعر
وفقك الله

محمد القويعاني ..

ارويتني شعراً ورب النعم

شامخه بشموخ شاعرها

.
.

وحقيقه هذا القسم بحاجه لمثل هذه القصيده


م
ح
م
د

ع
و
د
هــ


انت سحابة شعر

سلمت ودمت بهذا الحظور المشرف






تمنياتي لك بالتوفيق

اخي محمد عوده /

اطلالة على المنتدى جعلت امامنا ابيات

وكأنها نجوم تزدان بها السماء في ظلمة الليل