-سؤال-؟

ما----------------هو------------------------أطرف-----------موقف ---------------مر ----------عليك؟

السسسسسسسسسسسسسسسسسسسسسسسسسسسسسسسسسسؤال للجميع

موضوع جيمل

مرة رايح اصرف من صراف سيارات والسيارة كانت لمبة البنزين مولعه قلت أحسب وبعدين أعبي

يوم دخلت السير وبقى سيارة قدامي .. طفت سيارة وعيت تشتغل وانحرجت وكان يوم الرواتب

نزلت ودفيت السيارة والعالم تزمر وما سحبت وانحرجت مررررة

هذا أطرف موقوف ومحرج بنفس الوقت

ثامر موقفك شييي

مرة من المرارير كان عندي واحد أول مرة يجي للرياض

طبعاً يسمع بالرياض وأول مرة يجيها ( دافن نفسه بحائل يعشقها مايبي يطلع )

المهم من ضمن الجولات اللي أخذته معاي فيها

رحنا للممشى اللي على طريق الملك عبدالله

نتمشى وسوالف وتلاقط عويناته بالعالم ويتلفت

واللي يركز فيه راح يعرف بأنه أول مرة يجي

قلت له بروح آجيب ماء وآجيك لاتروح خلك بالمكان هذا

قال طيب

رحت ورجعت



وكما هي العادة مالقيته بالمكان

والممشى مليان ناس وين أدورهـ فيه لاحول الله

والزينة جواله مخليه بالسيارة يقول أنه مايبي أحد يبلشه وهو مستمتع بالأجواء

وأدور وأدور وأدور وأدور يافلان يافلان وأدور وأدور وأدور الين فريت الممشى كله

ماحصلته

الييييه من بلشه وأقعد آندم حظي على القرادة وقلت وأنا قاعد أحاور نفسي

السالفة فيه بلاغ وشرطة ويقولون لي الشرطة انتظر 24 ساعة

وحط صورة له بالجريدة و خرج وضاع بالممشى

وسالفة طويلة عريضة

المهم رجعت للسيارة وجلست أنتظرهـ قلت يمكن يطلع فيه شويت ذرابه

ويفكر زين ويحدد مكان السيارة ويجي

ساعة ونصف وأنا أنتظر ماجاء

وقابلة واحد من زملائي بالممشى

وسألني واي يور فيس معبس

وسردت له السالفة قـــال بسسسسسسسسس

صفاته كذا وكذا وكذا

قلت ايه -> بكل فرحة

قال عرفت مكانه ووووين

قبل شووي شفته قلت الله يبشرك بالخير وين

قال أخذته الشرطة

قلت له بالفصحى ماذا حصل ياصديقي أشرح لي ؟

قال

وقفت عند مجموعة على أزعاج واحد ينافخ بأعلى صوته

المهم والا الرجال متشابكين بالايدي وحالتهم حاله

وهو يقول يابن الحلال أنه مشبه عليك أحسبك خوويي

وجلد وجلـيد ببعض الين وقفت الشرطة وفرقت بينهم

وطبعاً الثاني معاهـ عائلة لذلك أخذو صاحبك وركبوهـ معاهـم

قلت من متى قال من ربع ساعة تقريباً

وركبته معاي المهم خابر دوريات مستلمه على نفس الممشى

وتوجهة لهم ويوم أقبلت عليهم والا هذا هو داخل الدورية كما أسلفت سابقا

تلاقط عيوناته

وأجي وأفـكه من الشرطة بعد شرح مطوووول لهم بأنه مآهو من آهل الديرة

وما إلى ذلـك والحمد لله رزقني الله بشرطي متفهم وقال دامه ضيف عليك

خلاص خذهـ

وأنا أخذه وماصدق يوم شافني تقل مطلعة من معتقل غوانتانمو

قال يابن الحلال يوم رحت من عندي قعدت اقزقز خلق الله

وفجأة مشيت من قدامي واستغربت آنك ماعطيتني وجه

ومشيت وراك الين آخذنا مسافة وصكيتك بكف حلاقه من ورااااااء

يوم التفت طلع مو آنت

وتهاوشنا واقول له يابن الحلال مشببه عليك والله

وهو معند يبي يضربني

قلت تستاهل تضربه ماتبيه يضربك

فتح عيونك مرة ثانية

وعدت سلامات ولله الحمد وكملنا جولتنا على خيــر

وهذا مابجعبتي

سلمت أخوي القصير

أخي سعووووووود . .

أما أنا كنت في العمل وطُلب مني أن أطبع بعض المُعاملات وأخذت النص المطلوب طباعته وبديت بسم الله . الصحيح كان عندي زملائي وكنا ندردش ونظحك .وكنت أطبع حرف وأظحك عشر دقايق يعني مريض. وشوي تماادى الوضع وجابوا الفطور وحطوه على طاولت العمل. وبدينا يد تطبع ويد يغمس بها الفول.ههههه ماطول عليكم أنهيت ثلاث معاملات المطلوبه .وأعطيتها زميلي وارح فيها للمسعول ومحسوبك اعتدل للفطور زين مستانس أبي أفطر وأدز مع الباب قبل تجي معاملات ولا طلب. وشوي الى التلفون يرن وأرد الى السكرتير قال فلان قلت سم قال تعال المسعووول يبيك.
أنا قلت ايه أكيد يبي يشاورني عن بعض القرارات .>> ماخذ مقلب بعمره ول يالنابغه
جيت ودخلت على المسعول وبادرني بالسؤال من العير؟؟؟السؤال الثاني من تأمر ؟؟
أبديت استغرابي وقلت ماني فاهم عليك قال خذ المعامله وقراها بصوت واضح. قريت الا أني جايب العيد وفيها كنت بكتب الغير كتبت يالعير.وكنت بكتب لامركم كتبت أمركم بأتلاف المعاملات .
وجلسنا نضحك وقلت أخطاء تصدر من الجميع قال ماعندك مشكله بس روح وجزائآ لك اطبعها 20مره. هذا ظرب الفول والله.