رد السعودي على قصيدة الاماراتي بعد زيادة 5% ........

بشرني رفيجي السعودي بالزياده... عاد يومجات السوالف طلعت الزيادة 5% ..... قلت :

سر يمنا لدبي يا مرحباالساع....... دبي تحفظ للبنادم وقاره!
لا تنتظر يا خوي تحسين الأوضاع.....ماأطولك ياليلن بعيدن نهاره!
صارت مثل بدبي لا طاح بالقاع..... حظ الصبي قالوابصدق العباره!
حظك سعودي؟ ويه ياقل الأسناع..... لا فاد ربح ولا سلم منخساره!
أية بدل ؟ هذي ثمن كيس نعناع..... حتى رواتبكم بدل ( للطراره) !

الشاعر الاماراتي / هادي المنصوري

وش رايكم

الرد من الشاعر حسن الدبيسي الجهني

دام البقا لك عـدّ مـا هـب ذعـذاع

يا داعـي زحـول النشامـى لـداره

انته كريم ولك مع اهل الكـرم بـاع

ودبـي ديـرة تستحـق الـزيـاره

حيث ان فيها مرتـع الذيـب لجـاع

باسـم التقـدم والرخـا والحضـاره

والذيب لنّة حل فـي ديـرة ضبـاع

يحوفهـا ويعـوْد تـالـي نـهـاره

وانـا لجيـت دبـي مانـي بطمـاع

الخمـس بالميـة لجـت بالشطـارة

بـدل وناسـه للمطانيـخ وامـتـاع

ونرشّهـا لعيـون ميثـه وســاره

يوم العذارا وسطها اشكـال وانـواع

الخصر لـه هـزه وللعيـن اشـاره

يبقى السعودي بس مشيه على القـاع

يدبل كبـود اهـل الخنـا والدعـارة

شامخ كـمـا حـر ٍ على راس مطلاع

ما يرخص لعيـن الردييـن عـاره

ولا هزّ راسه بين عيضـه وهـزاع

وعبدالله ابا الخير فـي وسـط بـاره

ولو حدّته بقعا على شِيـن الاوضـاع

ما بـاق حـق الله ولا حـق جـاره

في ظل سبع بحنكتـه حاكـم سبـاع

تعاهـدوا علـى الوفـا والطـهـاره

عهد ٍ على حمّاية الديـن مـا ضـاع

ما تغيّر اوضـاع السياسـة مسـاره

وصدورهم عن هرجة الشاوي وساع

والشـاوي ابلـغ رد لـه إحتـقـاره

الشاعر هادي المنصوري نفا هذا الخبر وبشدة




هذي القصيدة ليست للمنصوري اطلاقا ..

[MOVE="up"]صحيح المنصوري نفى [/MOVE]

اذا كان الكاتب خليجي

سوف تبحث عنة الاخت ليال

الاخت ليال .. الاخ العصباني .. الاخ حماد السحيمي

لكم جزيل الشكر على تعليقاتكم ..

لاكن أحب أنوة على شي القصيدة هاذي ولا شيخ ..مايقدر ينسبها لنفسة ما بالك هادي المنصوري
لانها مذمة للشاعر نفسة خلاف الردود الي راح تجية ..
والي اعرفة انة هادي المنصوري قالها من باب المزح مع اخوانة السعوديين في برنامج شاعر المليون ولم يكن يتوقع انها راح تصل هالمواصيل ..
اما بالنسبة لنفية انها له هذا شي طبيعي لانة راح يتحاسب من شيوخ الامارات قبل لا يتحاسب من الشعب السعودي..ويعد ازيدكم من الشعر بيت منزل قصيدة هادي المنصوري يعثذر عن هالقصيده وينفي انها لة .. لاكن هذا شي طبيعي ..
وقصيدة الشاعر الاصطورة مهدي ال حيدر تثبث هذا الكلام وتبين انة كاتب قصيدتة من شي صار قريب منة ..

تحياتي لكم ..

الســــــــــلام عليكم ورحمــــــــــــــــة الله وبركاتـــــــــــــــــه

بس عندي رساله عاجله تكفون ياالربع
اذا احد قابل الشاعر / حسين الجهني
يحب لي خشمه ذيبان هذا الرد صدق
وصيه ياالربع لا تنسون

تقبلوو مروري
اخوكم/ قرنـــــاس العصباني