بعد مارحت من عندك بكيت وهلت الدمــــعة
تشـــب النار في قلبي حرايق من يطفيها
عسى الله لايبارك بالزمان اللي طفى الشمعة
مشيت بطرقتي والرجل مدري وين اوديها
كما طفلا يصيح ومن صياحه فاقد سمــــــعه
يــدور شوفة امه مير ضاعت في حراويها
انا وشلون ابصبر عنك من جمعة الى جمعة
فــــــراقك موت لكن شوفتك لنفس تحييها
انا رجلي تراودني على المشية على الرجعة
وعيني لو تناظر مسكنك يازين يبكيـــــــها
خبر جاني وزاد القلب نبضاته مع الفجـــــعة
لاشك البندقية معرفنا وين راميـــــــــــها
انا ماقدر على بعدك ياليتك تطلب الفزعـــــة
احبك حب ياروحي حقيقة وافتخر فيــــها