اعذريني(منصوربن محمد العرادي)

نصـ, للرائع منصـوربن محمد العرادي البلوي

بـعنوان (اعذريني)

اعذريني مابقى غير الرحيل = يشفي الجرح الذي ماقد برى
الفراق اليوم ماعنّه بديل = ذا قدرنا حكمه القاسي سرى
اذكريني وانسي الحزن الطويل = وامسحي دمعاً على خدك جرى
دمعتك لاتجرح الخد الجميل =لو جرى من وقتنا مهما جرى
أعرف إن القلب لاشافك يميل = بس اذل النفس هذا ماطرى
مايعيش الحر في وقته ذليل = ولايجي قدّام من فعله ورى
لو يكون القلب من حبك عليل = ولو تكون العين فارقها الكرى
ولو تموت الروح في جسمٍ نحيل = مانبي من باعنا ثم اشترى
حظّنا بافراحنا دايم بخيل=آه ياحظٍ تعلّى وافترى
اللقا بيني وبينك مستحيل = السما ماتلتقي ويّا الثرى