انا ليا سجت عليه طـواري .... والصدر ضاق وعفت شوف المخاليق

انا ليا سجت عليه طـــــــــــــــواري .......... والصدر ضاق وعفت شوف المخاليق

شلت الزهاب بليل ولا بنهـــــــــاري .......... واخذت من راعي المحطــــــه ملاحيق

لو كان ما ليه خويٍ يبـــــــــــــــاري .......... عســــى الولي يسوقني للتوافيــــــــــق

خاويت سرحان الخلا بالغـــــــــداري ......... نوبٍ براد ونوب به ينشف الريــــــــــق

ومشتاي ما بين الغضا والمـــــذاري .......... يالله عساهن بالمزون المدافيـــــــــق

يالله عساهن بالمزون البـــــــــداري .......... مزون غرٍ ملقحاتٍ بواريـــــــــــــــــق

ليا صار بالسيحان شوف الغضـاري .......... تلقى الجدايل مخضراتٍ طواريــــــــق

يازين نقل الطير عوق الحبـــــــاري .......... طلاع يفعل نادرٍ بالواحيــــــــــــــــــــق

ووقفت في روضٍ وشبيت نــــــاري .......... وحولت لي دله وقمقوم وبريــــــــــــق

وقدرت حمستها هي ويا البهــــاري .......... وسويت لي دله لون دم المعاليــــــــق

ولا فات ثلث الليل ليه مســــــــاري .......... لعاشقةٍ بيني وبينها مواثيـــــــــــــــــق

وسهرنا لما الصبح جت له مواري .......... واخفى النجوم البينات اللواهيـــــــــق

وودعتها وانا اكاضم عبــــــــــاري .......... وعبراتها في صدرها له مخانيــــــــق

واضن طرد البيض ما فيه عـــاري .......... يا كثر ما فيهن تقول العشاشيـــــــــق

والقيض لي من دون ندفه محاري .......... بالفرس والروثه غدوها مطاليــــــــق

اقضي نهاري مغديات الصحـــاري .......... عن شوفهن لا قدر ولاصبر ولالايــق

ماني بمن يشبه حزينٍ بــــــــداري .......... يقضي نهاره من وين ما فارق الضيق

يعطيك ألف عافية وننتظر جديدك من رحلاتك للمقناص وانت رجل معروف فلا تبخل علينا من علوم وصور الصيد والمقناص يا ابو صبر



تحياتي لك 00 ابو الحارث

اخي نجم المقناص

تحية طيبة

الله يعطيك العافية وخير المقناص

لي عودة الى القصيدة

تحياتي

صح لساااااااااااانك