القلـــــوب الحيـــــــــــــه

ياحسين الوصف انا اللي هاجسي عناني = ولا تعنا للغرام الا القلوب الحيه
جيــت لك يازين لاتايــه ولاغلطا نــي = جا بني دافع احساس الشوق والحنيه
قال لا تشرح ظروفك خلها كتماني = لاتــجي بد يارنا ود يارنا محميـــه
قلت عفوا بي معزة نفس 0 ترفع شاني = والنفوس تعزهـا عاداتها الاصلــيه
يوم انا شفت السفينـه مالها ربانــــي = قلت ياربي تهب ارياحها غربيــــــــه
قال هذي في بحرها مرسيـه بالعاني = مايحركها الهواء والقوه الجبريـــــــــه
قلت انا مرضان ونت اتعالج المرضاني = انت منفوع الدواء والوصفه الطبيــه
قال 0 لا 0 لكن دور لك طبيباً ثانــي = حاول اتراجع طبيب الصحه النفسيه
قلت انا مجني علي وخوفي انت الجاني = ون قضا حبك علي مايقبلو بالـد يه
قال ماعندك دليل ولاشهود اعياني = والمحاكم ما تعرف العله المخفــــيـــه
قلت ابا اطلب جية الرحمه من الرحماني = رحمة من عند غيره ماتوتي ليـــه

نزولا عندرغبة اخي حمود سليمان البلوى 0 حيث طلب مني طرح قصيده غزليه 0 ولعلها تنال استحسانكم

وتطرب مسامعكم 0 تحياتي للجميع