للمسعودي يرحمه الله -منقول00؟

قصيدة للشاعر هذيل عبدالله المسعودي

اسطورة شعر المحاوره ( رحمة الله )

ما فا السهر للعين غيـر الغرابيـل كم واحدٍ بعد السهر بـاري الحـال

ماسهرتي من رغبتي فيك يـا ليـل لكن اعالج فيك بعضـات الأحـوال

مشغول يا كثر القلـوب المشاغيـل والنوم ما يحلى لمن عنده اشغـال

وهمـوم قلبـي مقفيـاتٍ مقابيـل مدري متى نلقاك يا راحـة البـال

ياما تشوف اعيوننا مـن تهاويـل وياما يشق اسماعنـا مـن تنثـال

الله خلق خلقـه وراحـوا تشاكيـل وحنى نناظر فيهم الـوان واشكـال

شكلٍ ملبـس بالحلـي والخلاخيـل ومن جوته يالله لا تكشـف الحـال

وشكـلٍ يغنـي بالنميمـه مواويـل ما يستطيع يعيش من غـار مـوال

اذا لقي له هرجـةٍ شالهـا شيـل وإمـا لقـي دور لهـا عنـد دلال

وشكلٍ كما البطحاء بعد ثاني السيل يابس ثراها كن واديـه مـا سـال

ومن لا يعّرف الراس ما يعرف الذيل تعاملـه طيـب يعاملـك بـطـال

ماهمي الطيب معي لـه مواصيـل واذا بغيت اصل وصلتـه بميصـال

كم واحـدٍ يلبـس ثيـاب الرياجيـل واذا فتشت اقصـاه ماهـو برجـال

وانا على شاشة مصـور وتسجيـل والشرح والتوصيف باقي له اكمـال

بلغت بالمجهـود والعـذر تكميـل والناس ما يرضيهم الا بخـت فـال

منقوله من منتديات قناة الصحراء الفضائيه

بواسطة العضوه بحت صوت

اخوكم ابو فيصل