قصيدة للشاعرة موضي العازمي

السلام عليكم ورحمة الله وبركاته



هذه قصيدة للشاعرة موضي العازمي المعروفة بـ “عابرة سبيل” لزوجها وهي في المستشفى بعد اصابتها بمرض عضال وزوجها يحاول التخفيف عنها ويدعوها لتقوم من فراشها ليستدعي الأحبة على وليمة عشاء بمناسبة شفائها هذا شعور الزوج ، لكن كيف شعور الزوجة “عابرة سبيل” أخذت الشاعرة تنظم وصيتها في أبيات شعرية مؤثرة للغاية تثير الدموع وعاطفة الحزن والألم ، وتذكرنا هذه الوصية بزيارة هادم اللذات لنا عندما يخطفنا من بين أحضان أحب الناس



تقول موضي :

ترى الذبايح و أهلها مـا تسلينـي=أنا أدري إن المرض لا يمكن اعلاجه
أدري تبي راحتي لا يا بعـد عينـي=حرام ما قصرت ايديك فـي حاجـه
أخـذ وصاتـي وأمانـه لا تبكينـي=لو كان لك خاطرٍ ما ودي إزعاجـه
أبيك في ايديك تشهدنـي وتسقينـي=أمانتـك لا يجـي جسمـي بثلاجـه
لف الكفن في يديك وضف رجلينـي=ما غيرك أحدٍ كشف حسناه واحراجه
أبيـك بالخيـر تذكرنـي وتطرينـي=يجيرني خالقي مـن نـار وهاجـه
سامح على اللي جرى ما بينك وبيني=أيام نمشي عـدل وأيـام منعاجـه
همي عيالي وأنا اللي فـيْ كافينـي=علمهم الديـن تفسيـره ومنهاجـه

فكان الرد من الزوج المكلوم في هذه الأبيات التي لا تقل شأناً عن أبيات الراحلة التي كتبتها قبل أن تموت فكانت المرثية :

حاولت أنام وحاربت عينـي النـوم=وجريت صوتٍ مثل صـوت الذيابـه
الجفن كنه صار ضايـق ومهـزوم=ودموع عيني مثـل رش السحابـه
على وليف قالـوا اليـوم مرحـوم=فـارق وراح ومـا تهنـى بشبابـه
زرت القبور اللي على بعضها ارسوم=وخطيت رسم فوق ذيـك النصابـه
قلبي من الدنيـا مصـابٍ ومكلـوم=مكلوم تـوه عقـب خـط الكتابـه
أحبها ميـر القـدر صـار مقسـوم=ويحبهـا كـل الأهـل والقـرابـه
الموت أخذها واودع القلـب مثلـوم=جرح عميـقٍ مـا يـداوى صوابـه
الموت أخذ شجعان وارخوم وقـروم=وأخذ رسول الله وباقـي الصحابـه

رحمك الله ياعابرة سبيل وأسكنك فسيح جناته ..
( انا لله وانا اليه راجعون )

( منقول )