بسم الله الرحمن الرحيم

السلام عليكم ورحمة الله وبركاته


اخترت هذا العنوان الغير متزن ليكون عنوان على

ما حصل في برنامج شاعر المليون


ولا يفتوني أن أهنئ الشاعر إبراهيم الشبرمي وفاله التوفيق

كما أصر على موقفي تجاه لجنة شاعر المليون وكوادره الإدارية

أرجو تقبلها برحابة صدر

.

.

يا كبير الحلم وسّد حلمك الواقع وغطه=وارم درع المعركة والخيل رده فالمرابط
لا تشكك وأنت متأكد من إرسال المحطه=أبدع المخرج بتصوير النزاهه .. لا تعابط !
وزّع الأدوار والفلم اختفى فاره وقطه=لعبهم خلف الكواليس ومخابطهم مخابط
والنظام اللي تشوف العين خطواته وخَطه=غلفوه بهيبة اللجنة وتعقيد الضوابط
غرنا السهم المخسّر يوم نط العام نطه=حتى لوّ الزّود ما هو منطقي والسوق هابط
لين طيّح نصنا والفكر له صحوة وغطه=والتجاري له أساليب ومطارات ومهابط
كسبه من العنصريه والجهل فزعه وقطَه=حتى لو الذمه تصير الضحيّه والروابط ؟
الحدث في شكل عفوي ياتي وهو ضمن خطه=يجعل الجمهور خلف الشاشه القشرا مرابط
مسرحيه سامجه وفصولها شيله وحطه=والسعودي وش يبي في محكمة حاسد وغابط؟
الشرف ما ينهدى على أهله ولا فيه شِطه=انتم اللي معتلين القمه معلّم وضابط

وللجميع التحيّه