عناقيد القصيدهـ .. صوتيه للشاعر / عبدالله محمود .

بسم الله الرحمن الرحيم
.
أتقدم وكلُّي فخر وشرف وأنقل لكم " عنـاقيـد القـصيده للشاعر/ عبدالله محمود المعيقلي الذي يهديها " لمفخـرة " بلي "
.
سعادة اللواء / عواد بن عيد العرادي البلوي.
.
.

.( عناقيد القصيدة ).

" مقيّد " و أنتظر فكّة قيـادي = على يد ذيب من ربعي قيادي
يحلّ المعضلـه ويحـلّ أبوهـا = سليل الجـود عـواد العـرادي
كأني فيـه ما يخيّـب ظنـوني = و هو رجل المواقـف و المبـادي
( بلي ) يا أهل الشهامه و المروّه = ياطبّ جروح روحي يا ضمـادي
( بلي ) ياعزوتي وعقال راسـي = يا ربعي يا عمى عين المعـادي
وألآ يابو (بدر) جيتـك وأنا اللي = حداني من صروف الوقت حادي
بعـد ماللـرفيـق إلاّ رفيقـه = على مثلك و شرواك إعتمـادي
ياراع الأولات وهـن روابـح = و راع التاليـات و هـن جـدادِ
ياعزوة من تعـزوا بك وعـزّه = و حظّ لمن بلي في حـظّ غادي
على ( عبدالله الجحرش ) تجمّـع = من الأوجـاع جمـعاً غير عادي
ولك سيره ينومسنـي شذاهـا = تفوح عطورهـا عنبر و كادي
فـ هاك السالفه مـمن شهدها = و هـو مـنها على موقف حيادي
ثلاث أرباع مشـواري مشيتـه = بعد توفيـق مـن رب العبـادِ
تبوك , وعقبها مكـه , ومنهـا = على ينبـع و ينبـع هي مـرادي
عريف ( إنقاذ ) وأفخر وأتشرّف = بخدمة كل ثغـرٍ من بـلادي
زرعت الصبر سبع سنـين دأباً = و إلى هالحين مفلس من حصادي
وعدت أزرع لعل الزرع يثمـر = و سبعي ماهن ( السبع الشـدادِ )
تلاطم حظي الأبيض و الأسـود = و عجزت أعزل بياضي عن سوادي
مزيج من التفاؤل و التـشـاؤم = عـلى لونين ثالثهـم رمـادي
تحـاصـرني همـومي و أتجلّـد = و خايف تقل نايم لي بـوادي
خطير يشيلني سيل المـواجـع = و دوّرني بعـدهـا يا سنـادي
ومثلك يدري المُلـحق مُلاحق = و بالتـثبيت ما يشـرح فـؤادي
بكفّي قيد , و المفتـاح كفّـك = حسب ظنّي و فكري و إعتقادي
عليّ القول والا الفعـل فعـلك = وجهدك هو حصادي بإجتهادي
وبما أني مع أهل الشعر شاعـر = شدا لك من طيور الشعر شـادي
تنقيت الحـروف بكـل دقّـه = قلمها طيبك , وفكـري مـدادي
حكمت ألفاظها معنى ومـغـنى = و راصفت البيوت بجّو هـادي
وجيت أنثر عناقيد القـصيـده = تعبّر عـن عنا قيـد الأيـادي
لك أهديها , وهي تفخر بمثـلك = وفيـهـا شكري وخالص ودادي
لأن لي فيك يابن العـم هقـوه = لفيـت أرفع بها صوتي و أنادي
وقد أسمعـت إذّ ناديـت حـياً = مثل (عوّاد بـن عيـد العـرادي)

.
.

القصيدهـ صوتيه .. إضغط هنا
.
.
تقبلوا تحياتي .. وتحيات شاعرها
.
أخوكم / رضا محمود المعيقلي.

جاري الحفظ

مع الشكر مقدما


تحياتي يا زميل

يستاهل اللواء عواد

شكرا لك

جاري الحفظ

مع الشكر مقدما


تحياتي يا زميل

.
.
الغالي بندر ...:
.
شرفتنا بمروركـ .. تقبل خالص تحياتي
.
رضا الجحرش
.

يستاهل اللواء عواد

شكرا لك

.
.
شكـراً على المرور
.
.

الشـــــــــــــــاعر
.
.
رضــــــا الجحرش
.
.
قصيده ويسمــو مستواهـــا
.
.
وإنشالله تتحقق أمـــــــــــــــــاني عبدالله المعيقلي
.
.
أخوك -حمود البلـــــــــــــوي - ينبـــــع البحر

.
.