أحذر جحا000؟
اعييش في غربه وانا داخل الدار=والجرح ينزف والمواجع قديمه
يا شعر سامرني على شبة النار=خذ ألتزامي وانت موفي لزيمه
بانت لي اشيا لها الفكر يحتار=بين الخطاء والصح حق وظليمه
النفس عيت تقبل الشين والعار=في مجتمع تحكم رجاله حريمه
استثني الطيب كما الورد اوشار=جاهل جبال طويق تبقى مقيمه
الحر يكفخ بالجناحين وأن ثار=وقع على مشراف في راس غيمه
والحر يبقى حصان ما يشبه حمار=اللي يرم الرمث واسمه ذيمه
راحت مبادي بين بايع وسمسار=يمنى بخيله حيل ويمنى كريمه
صحيح من هو قال ويقولها جهار=ان البهيمه في حياته بهيمه
الناس تلعب لعبة القط والفار=والكذب واضح والصداقه عديمه
الطبل يقرع على صوت مزمار=والكل يرقص عند وقع الجريمه
اقولها ويقول سايس وشبار=احذر جحا والبعد عنه غنيمه
رد مع اقتباس
المفضلات