يا ابوك يا فيصل

أولا : أشكر كل
من قدم لي التهنئه
بتخرج فيصل من كلية
العلوم بجامعة تبوك
وكذلك أبارك لكافة
الخرجين بفرحة
التخرج وفقهم الله
في الحياه
العمليه والعلميه

عند صدور ديواني الاول
ربيع العمر عام 1412ةـ
كان
هناك
بيتان من الشعر
في أبني
فيصل بن محمد بن ظاهر بن طالب بن صميد الميهوبي البلوي

وكان عنوان البيتان
(أمل)
لأنني
قلتهما وفيصل
لازال صغيرا فالأب
دائما يتمنى
أن يكون أبنه
أحسن
منه فقلت

يا ابوك يا فيصل تــرى البال ضايق = ليتك كبير وتبعــــد الهـــــم عني
وأشرح لك ألموضوع وكل الحقايق= وتفهم مراد أبوك لـــو هـــو تًمنْي

وفي يوم السبت الموافق 26/5/1429هـ
تخرج فيصل وزملائه وفقهم الله

أكتملت
هدية
فيصل
شعرا

يا ابوك يافيصل ترى البال ضايق=ليتك كبير وتبعـد الهم عني
أشرح لك الموضوع وكل الحقايق=وتفهم مُراد أبوك لـو وهو تَمَني
أبكمل البيتين والبال رايـق=لا تلومني يا ابوك شاعر وأغني
فرحة نجاحك دوم ماهي دقـايـق=أقولها فرحان وما فيه لْنْي
يحفظك رب الكون عن كل عايق=ويستر عليك الله دعـوات مـني
أسمع وصاة أبـوك ماهـي لِفايــق=تلقى صداها يوم بالراس دني
أكسب رضاء مولاك رب الخلايق=جزل العطايا بالعطاء ما يمـني
حافظ على تقواه قـول وحقايـق=أد الفروض الخمس وماجاك عني
تعْلم رضاء الرحمن نورووفايق =يقبل دعانا الله منك ومني
وحب الوطن واجبك عن كل بايق=بيعة ولأ من دين مسلم وسني
وأمك رضاهادوم لا تكون عايـق=ترى رضاها فـوق ظنك وظني
أخفض لها الجنحان خادم و سايق=من غير قـلب الا م قلبه يحني
واخوانك اخوانك شباب وشقايق =أبذل لهم معروف وأحذر تمني
خلك ولد شغموم للصبر ذايـق=من يلنحق صبار صدره يوني
لا يعْلق النمام عندك علايق=قـله وراك هنـاك خاواك جني
لا تخـاوي إلا فــــذ مثلك وشايـق=عيب الخوي وان طال دربك يوني
أوصيك أنا بالطيب خله وثايــق=خل الكرم مبداك وللطيب ثني
والجار حقه من جزيل الوسايق=والظيف له مقدار وفناجل بني
أختر رفيقك من علو الرفايق=أرفع مقامك عن مقام التدني
الصدق مبداء للرجال الوثايق=والكذب عيب وكذبة المزح فني
الثوب ما يلبس وباقي بنايق=خلك وسيع البال دوم أرجهني
خذني صديق ومن عموم الصدايق=أرجولك التوفيق دوم متهتي
من ينوي المشراف في يوم وايق=روم المعالي ماتجي بالتمني