( .. مـوعـــد قصيــــــد .. )

\
/
\




(( .. موعــد قصيــد .. ))

جيت والموعد قصيد .. و(أ)بشري يابنـت .. فيّـه = والله إني غير أنومس .. هقوتك .. دون العـزاوي
جيت لِك .. بإحساس صادق .. ماخذيته لِك .. عريّه = والله المعطي ولاغيـره علـى الأرزاااق .. قـاوي
جيـت متوكّـل علـى رب السمـااا.. رب البريّـه = ومايروم النايفـات إلا رجـل .. حـر ٍ .. نـداوي
البحر موجـه كبيـر .. ومـدّه وجـزره .. يديّـه = والليالي نون عيني .. والهدب .. حارس صحـاوي
جهّزي فِكرك وخلّـي .. سَفـرة الليلـه .. عليّـه = والله إني غير أسافربِـك .. علـى درب ٍ شقـاوي
بس فـي قامـوس فكـري .. والأمـور الأوليّـه = تسلمي / من عَثرة المسرى .. ومن كـل البـلاوي
ولاتخافـي مـن سراديـب الليالـي .. والأذيّــه = وألعبي ماهمْكيِ ..من طيش كـل إنسـان ..غـاوي
لـو طلبـت ِ المستحيلـه .. أرتجلهـا لـك هديّـه = ما تذمْـر ّ وأبتعـد عنِـك .. وأعجّـل بالخطـاوي
وكان رمشي ماغدا لك .. من شعاع الشمـس فيّـه = ويش أبي في رمش عين ٍ كان مايصبح .. فداااوي
فلّي الليـل الطويـل إيليـن ماصيـر .. الضحيّـه = وأنفتن بألي صنع فكري مـن علـوم .. وهقـاوي
والبشر بألوانهـا .. وأذواقهـا .. ماهـي سويّـه = والأصيله لو حكـوا ماهمّهـا .. بعـض الحكـاوي
بس للحكمه رجال ٍ .. لـو تجيهـا .. "بالجهيّـه " = ماتقول إلا الصحيح ألـي علـى الأشنـاب .. لاوي
والقصيـد ألـي جمعنـا .. باللـيـال السرمـديّـه = الله يـردّه ولاغيـره علـى الأقـدار .. قــاوي

أسعد السحيمي