حمود ضيف الله المطيري ارسل لي هذي القصيدة
يامرسلي ملفاك سالم تولم #وحذراك لاتراك عين الحسودي


قله تراعين الشقا دمعها دم #ماغمضت يوم الخلايق ارقودي


وقله ترادنياي من هم في هم #وحظوظ خلق الله ترقاالسنودي

ياابو محمد الله من همن وغم #وبيتنا بنيته مابوسطه عمودي



وانا رديت عليه



حي الجواب اللي لفاني منظم # حييت والمقدارعندي يزودي

فرحت في مرسالكم يوم سلم #يحمل رساله من عريب الجدودي

قريت مكتوبك وقمت اتأ لم #وزادت هموميّ يالمطيري بزودي

عساك من كثرالصواديف تسلم #والضيق من بعده وسيع البدودي

والى حكم ربي على الادمي تم # والى عطالله مايردالحسودي

انا معك باللي تبي ويتلزم #بالمال ويضا الجاه لجلك نجودي

دام الخوي مع صاحبه ماتقدم # معادباقي وقتنا فيه فودي

وصلاة ربي عد مطاف محرم # وعداد ماسبح بوضع السجودي

ابـــــــــوفارس العصباني