بسم الله الرحمن الرحيم
هذه قصيدةلي وقد نشرتُها في جريدة الرياض في شهر جمادى الاولى 1429هـ وايضا في جريدة الجزيرة في الاجازة الصيفية الماضية وارجو أن تحوز على اعجابكم ،اقول :
مشتاقن لخوة كريمين السبال # اللي على العليا تزيد اشواقها

ربع مداهلهم على روس الجبال # تسمو مع اهل المعرفة بأخلاقها

ما يشربون إلا من الجم ازلال # الصافي اللي ينسجم بأذواقها

وترى النشامى معرفتهم راس مال # والصفقة اللي رابح صفاقها

على سلوم اجدادهم طبع ودلال # الطيب كنه ثابت بأعراقها

هم للخوي مثل الذرا وإلا الظلال # وهم للعدا نار قوي إحراقها

ربع يشيلون الحمولات الثقال # والصعب عن درب الوفا ما عاقها

حفاظة الاسرار عن قيل وقال # للسر صندوق حكيم اغلاقها

والمال قله ما يعذرب بالرجال # والخلق مقسومة جميع ارزاقها

وإلا الردي لو جا له اموال وعيال # ولو غطت امواله كثير اسواقها

ما له مع اهل المرجلة أية مجال # مادام رجله للردية ساقها

ونطلب من الله ربنا ستر الحوال # ويغفر خطايا بالظهر ما طاقها

وصلوا على محمد عدد وبل الخيال # وعد السحاب اللي نضا براقها