الله من نفس كثيرة شطنها

للشاعر العذب / سليمان بن حمدان الجبيل

الله من نفس كثيرة شطنها = تثور مثل العاصفة وقت الأصياف
أومت بحالي لين هدت سكنها = عجزت أدق أوتادها و الوعد طاف
باسباب من له هرجة ما وزنها = لو قصده أنظف من جنيهات الأشراف
مثل الأصيل اللي تلاعب رسنها = طبايع شينه على زينة أوصاف
خلايق يوم الزمان امتحنها = أودع مجاديف البحر تقل صفصاف
من ينخدع فيها و يدفع ثمنها = يروح بأفواه السمك طعم و أعلاف
ناقة بخيل وعودت في لبنها = خطر يموت حوارها هزل الأكتاف
و إلى حلبها علم الناس عنها = سولف بها لين السواليف تنعاف
هو يحسب ان سنين عمره ضمنها = و نسي الدهور اللي يبيدن الأرياف
و الا الفهيم إلى أقبلت ذل منها = و يدري بطبع إبليس للناس ميلاف
إن أقبلت غنت بحالي لحنها = و إن أقفت الأيام برد بلا لحاف
شفت موجعاته يوم صدري خزنها = تسببن لعلاقة الصدر باتلاف
هذي ابنيها و ذيك بكفنها = أمور يا فايز ثقلات و خفاف
بغيت أدل القافلة في وطنها = و ذليت يفطن للوطن ناقد القاف
شفنا و عفنا من خزايا زمنها = و وش يحتري رجلاً إلى شاف ما عاف
هو يأكل العلقة و يلحس صحنها = و لا يطير و لوجناحيه ضعاف
عجّل ترى نفسي كثيرة شطنها = و تثور مثل بداية القاف عصاف
تمت وصلوا تابعين سننها = على رسول الحق باخلاص و انصاف

اللهم صلِ على نبينا محمد .

قصيدة رائعه من شاعر يستحق أن يقال عنه / شاعر حكمة .

شكرًا يابو نادر على النقل .

باسباب من لـه هرجـة مـا وزنهـا
لو قصده أنظف من جنيهات الأشـراف


صح لسانك اخوي سليمان
لاتتفاجا من عثرات الزمن
والسنت الناس

اللهم صلِ على نبينا محمد .


قصيدة رائعه من شاعر يستحق أن يقال عنه / شاعر حكمة .


شكرًا يابو نادر على النقل .

شكرا لك / أبو بدر

بالفعل الشاعر سليمان الجبيل يمتاز بالحكمة .

مره أخرى ، شكرا لك

.

باسباب من لـه هرجـة مـا وزنهـا
لو قصده أنظف من جنيهات الأشـراف


صح لسانك اخوي سليمان
لاتتفاجا من عثرات الزمن
والسنت الناس

الأخ الغالي / سعود العقيل

سعدت لتواجدك هنا

و الشاعر سليمان الجبيل يُجبرك على الوقوف عند كل بيت من قصيدته .

أخي / سعود

شكرا لك من القلب

.

تسببـن لعلاقـة الصـدر بـاتـلاف
______________هـذي ابنيـهـا و ذيــك بكفنـهـا

قصيدة اكثر من رائعة

نتمنى المزيد