( .. لــوحـــــة غــــلا .. )
\
/
\
آخر قصيده قبل الزواج
وأتمنى أن تعجبكم .. وأتمنى التغاضي عن الهفوات ..
أرجوك عطني .. من حياتك .. حياتي
ودّي أعيش بدنيتي .. لو هي أيـــــام
تعبت اعالج .. ظرفك .. (إ)بتضحياتي
وأكسر ظروفي .. لجل خاطرك وأنلام
تعبت أحبك .. وأجمعك من شتاتــــي
تعبت أداري فيك .. عام ٍ ورى عـــام
ياخي خلاص إما تجي .. ياغلاتــــي
وألا تروح وتبتعد .. طيف وأوهــــام
صرت أدعي الربّ العزيز .. إبصلاتي
ينجي غريق ٍ .. قلبه بحبكم .. هـــــام
كل مانويت أنساك .. وأنسى شقاتي
وأنسى ليالي عشتها فيك .. واحلام !!
أرجع وأشوفك .. محتضن ذكرياتـي
لوحة غلا شدّت نظر .. كل رســام
حيرتني .. ويش السبب ؟ ياغناتــي
كل مامشيت أشوف صورتك .. قدام
بالعين .. جوّا القلب .. وسط المباتي
في دفتري ومابين الأسطر والأقــلام
مثل الغدير يلف ّ.. حولك نباتــــي
يموت لو تجفى .. وإذا غبت مادااام
إن كان هذا الحب .. ويش السواتــي ؟
كيف الحبيب يعيش بالحب .. منضام؟
بس إسمع إسمع .. ياعذابي .. وصاتي
بيت ٍ لك الله مايجي غير .. بإختــــام
لو إسألوك الناس .. سِبـّـة وفاتــــــي
قول السبب .. مات بغلايه .. ولا قـام
أسعد السحيمي
رد مع اقتباس
رد: ( .. لــوحـــــة غــــلا .. )
المفضلات