إِلَى يــَـا عِيــــد / وَيْنَ العـِـيـــد .. ؟

مع أني سعيــد ولله الحمد
فأسباب السعادة أكثر من أسباب الحزن
ولكن خانني الإختيار هذه المرّة

فأعذروني

نص مليء بالحزن الذي هو أحد الأدوار الشعرية التي دائماً ما يُكلَّف بها الشاعر عن غيــره

مدَّة المشهد : 11 شهراً

ولأنكم الأغلى عليَّ في هذه الشبكة العنكبوتية أوَّل عرض له سيكون هنا حصريـاً في منتدى بلي

أرجو أن ينال الإنسجام والرضاً وأن يجمع ذوائقكم عليــه

/

على جدار الزمان وتحته وفوقه ومن حوله=وحيّي والمواعيد اللي اضْحَتْ غير ذكراهـا
لقيت ابيات تنكب في دواليب الزمن دوله=فزَعت آلمّها واحجز خروج القلب لا اقراها

ولـكنّ الـهوى جـبّار

ودولاب الــزمن دوَّار

ولا مـلجا عن اللـهفة

ولا مـنفى عن التــذكار

كتـب لي حظـّـي احــزن كــنّي الــبارح

وفي نــفس الــمكان اللي جـمـعـنا

وبـكـره نبــارح

قبل لايذّن الفجر الصيام ويمسك الجارح

أواعــد طــيفها واعــشق

وافــل القلــب وآصــارح

\

هلا بك يامسا عيد الصيام بـداري وحيّـي=هلا باوَّل سطر في صفحة الذكرى من كتابي
(هلا) وآقولها وآنا عن اللي مقبـل معيّـي=ولكن ..رُبَّ ليلٍ أغْضبهْ عشقي ويرضابـي
هلا بك ياغزيلٍ سَلَّه الصبح وذبـح غيّـي=كما ينْسَلْ مرهوف السيوف (ا)لْحد وِ(أ)حْرَابـي
يحيي بك خليلك والمكان وعهـدك يحيّـي=وينشد لك طرب جرحين وتصفِّق لك احدابي
هلا في طيفك اللي ردِّني له مِجْهدِ (ا)خْطَيّي=ينومسني على ذكرك واعبّر له عن اعجابي
أنا و(الليل) ؛ أو ماصاروا يسمًّونه (الفيّي)=كأنَّ الليل يجحدني سَهَر /والصبح طَلاَّبـي
إذا ماعاد عيد وشب عود وشعشع الضيّـي=وحلّ افطار واستحلت بكر حبّات الاعنابـي
ولبْسَوا من بياض وبلّوا الارمـاق بالميّـي=ولبْسنْ للبياض وكحّلن طربـان الاهدابـي
صباح العيـد يااميْتِـي ويابيِّي وياخيّـي=أنامالي معاكم عيد يـا احبابـي ويااحبابـي
أنا واللي فقد سنَّ الفرح في ضحكته زيّـي=يصوم العيد أرحم له من مْعايَـد وترحابـي

أخوكم ومحبكم / سلطان سعد الوثر

.