كان يا ما كان في قديم الزمان.
من المعروف ان قبائل البادية في السابق تنتقل من مكان لآخر
تدور على العشب وعلى الي يروي عطش ابلهم واغنامهم، وكذالك
تنقلهم المستمر وحروبهم المستمره مع القبائل الآخرى .
في يوم من الأيام كان عند احد القبائل غزو ولازم يهجرون مكانهم
لمكان بعيد، وكان عندهم شخصين الأول (اعمى )ما يشوف
والثاني ( مشلول ) ما يمشي وفكروا الجماعه وقالو هذولي عاله
علينا وما نقدر ناخذهم معنا للغزو، افضل شي نتركهم في مكانهم
ونخليهم للسباع والذياب تتصرف معهم او يموتون من الجوع، وفعلاً
تركوهم بروحهم وسافروا لمكان بعيد ، وجلسو الرجالين اكثر من
يومين بالمكان الي هم فيه، يلتفتون يمين ويسار ينادون على
جماعتهم مافيه احد ، وفهموا السالفة بعد فوات الآوان وطبعا
مايقدرون يتحركون من مكانهم بسبب اعاقتهم وجلسو يفكرون
بحل لهم .. قال العميان للمشلول وش رايك تركب على كتوفي انا
امشي وانت تشوف بعيونك وعلمني وين اروح ... اهم شي نطلع
من المكان الي حنا فيه وندبر اعمارنا، المشلول اعجبته الفكره
وافق وركب على كتوف العميان وتوكلو على الله.
وهم ماشين بطريقهم بالصحرا، المشلول شاف له ارنب يمشي
قريب من عندهم وصار يدل خويه وين يروح ...يمين ..يسار....
قدام....ريوس ... لحد ماصار الارنب قدامهم، وقال يله الحين ارمني
بكل قوتك قدامك، وماقصر الرجال ورماه بأقوى شي وارتمى
المشلول على الأرنب وصاده بيدينه، طبعا ماصدقو خبر الشباب
بالصيد الثمين الي ساقه الله لهم وجمعو الحطب وشبو النار وذبحو
صيدهم وباليل جلسوا يتعشون وهم مبسوطين، المهم .... الربع
وهم جالسين يتعشون..... الي يشوف لمح حية طويله رايحه
للعميان تبي تقرصه ،،، مسكها الرجال بحركه سريعه بيده وكسر
راسها بحجر، بدون مايدري العميان، وقطع الحيه قطع صغيره
وحطها على النار يشويها لين استوت، وصار ياكل من لحم الارنب،
ويقطع من لحم الحيه ويعطيها للعميان،،، والمسكين ياكل ولا
يدري وش الطبخه خخخخخخ .
وبعد ماخلصوا من الأكل ... العميان قام يفرك وجهه وعيونه بيده
وصارت عيونه تحكه وتدمع من سم العقرب .وبعد فتره قام العميان
وهو يقول (صرت اشوف) (صرت اشوف) وهو مو مصدق نفسه من
الفرحه، وقال له المشلول انا السبب الي خلاك تشوف ،، انا خليتك
تاكل من لحم الحيه وفركت زيتها بعيونك، انقهررررر الي كان عميان
وقا ل طيــــــــــــب انا توكلني لحم الحية تبي تذبحني؟؟؟؟اوريك
شغلك عندي، النار الي تشوفها قدامك بملاها حطب وبرميك فيها
يا ***** (طبعا ماحد قده الحين صار يشوف وما يحتاج لخويه ) المهم
ماقصر الي كان عميان وملى النار حطب لين صارت اطول من
مترين، وشال المشلووول وقال له اقرى الشهادة على نفسك
ورماااه وسط النار ... وفجئه طلع المشلول من الجهة الثانيه
يرررررررررركض بعد مالسعته النار وشفاه الله من الشلل الي
برجوله، ومسك كل واحد الثاني وسلموا على بعض ويحمدون ربهم
بعد ما شفى كل واحد من علته.
هااا كيف القصة حلوه انا اعرف انها طويلة بس
ان شاء الله اعجبتكم
مع السلامه.
رد مع اقتباس
المفضلات