عيديه وحصريه لـ(منتدى بلي)

الملف الشخصي · 10-02-2008, 10:53 PM

\

/

ياشين ليه تجود في طبعك الشين=وليه الغرور اللي تبنى تعاليك
وليه الحقيقه ضايعه بين نارين=نار السؤال ونار خوفي تجافيك
وليه الهروب بقولتك يوووه بعدين=نادي بـ (حبيبي) مثل مآنا اناديك
وياليه قولي له الا ليه يازين=ليه الكبر عن قولة الحق معميك
اول على وضح النقا دوم ماشين=واليوم ضاعت خطوتك وش حصل فيك
اشقيتني ياهاجري بالهوى لين=كسرت مجداف الامل عند شاطيك
والموج ياخذني ولا ادري على وين=اقفى بقلبي وابتعد عن اراضيك
تبخل علي بمصافح العين للعين=مايكفي إنك قاصرٍ عنّي يديك
عانيت باسبابك وذقت الامرّين=(كرمال الله ليه تعمل بنا هيك؟)
جازيتني بالجور والظلم والبين=قدمت هذي من قبل تاصلك ذيك
لو كنت تعرف مآكل الكتف من وين=ماكان ترخص بالهوى قلب شاريك
مايستوي بالحب ياهيه ثنتين=وصلٍ قصرته مع جفا من تغليك
لو طال حلمك في ليالي المصدين=يجيك وقتٍ من سباتك يصحيك
ومن باع لأجلك في حياته محبين=ولو كان ودّه لك من العمر يهديك
باكر يسدد ماضي الدين بالدين=وينفي غرامه من حياتك وينفيك
وتصبح غريب ويمسي الهم همين=همٍ يهمّك من همومك ويطويك
وهمٍ يحدك تالي الوقت مابين=همٍ يروح وهم عيّا يخليك
ويتوه فكرك حايرٍ بين امرين=منهو بغاك ومنهو اللي معاديك
ويبقى عدادك من عداد المساكين=لايحل لك ذكرٍ ولا يجاب طاريك
هذا كلامي وافهمه زين مازين=ماهمّني مارضاك ولا بيرضيك
وانا لي الله دامني من هل الدين=بصد عنّك واطلب الله يجازيك
ومن عادتي ماتبع من الناس مقفين=والله على نيتك ياهيه يعطيك
ودامك علي تجود في طبعك الشين=بصد عنّك واطلب الله يجازيك

\

/

علي البلوي