0000 أنا راضي أخاوي الموت ولامثلك يخاويني

أخيراً جيت ياشاطر رجعت مخاوي الونات
0 خضعت ودمعك الثاير على الوجنه يناديني

عرفت الحين مقداري دريت إني على النيات
0 ولاكن مامضا ماضي وأنا الحاضر عناويني

نسيت يومك تبكيني نسيت كلمة عديم الذات
0 نسيت يومي أغصّ باسمك وعلى الغصّه تهنيني

خساره طحت من عيني غدت ميزتك لي سيات
0 شطبتك من كشوف الحب ودمعي لك يواسيني

صحيح القلب من هجرك كساه الهم واللوعات
0 ولكن عزتي ترفضك مهما تصافحك عيني

نسيتك قالها قلب(ن) يعاني لحضة السكرات
0 وعلى نعش الهوى كلمة نسيتك من شراييني

خلاص مرحومي شيعته بصمتي واندفن بسكات
0 وتقبلت التعازي وأنت ولافكرت تعزيني

وجايني اليوم متأسف عقب ماتاهت الخطوات
0 عقب ماذابت عروقي وليل الياس طاويني

عقب كسرت خواطرنا تبي نرجع محال هيهات
0 أنا راضي أخاوي الموت ولامثلك يخاويني