ياعاجايب لاتبيحين الخوافي ياعاجايب"="مابقى بالقلب طاقة للملام وقابلية
لاتزيدين المواجع بالحشاء والقلب ذايب "="والهموم السرمدية ياعاجيب سرمدية
والملامة ياعاجايب والتشره والعتايب "="تشعل النيران والنيران وسط القلب حية
والله انك ياعجايب عندي اعز الحبايب"=" لكن الموضوع ماهو ياعجايب في يديه
ويش اجيب من السبايب ويش اكب من السبايب "="وانتي اللي ياعجايب عارفة كل القضية
كم ذكرتك ياعجايب والقمر بالليل غايب "="وكم ذكرتك ياعجايب والقمر طالع عليه
وكم ذكرتك ياعجايب مع ذعايع الهبايب "="وكم ذكرتك ياعجايب بالصباح وبالمسية
وكم ذكرتك ياعجايب كل ماشفت السحايب"=" واتحلى لون خدك بالمزون العقربية
يسعد الله ياعجايب المحاجر والهدايب"=" ويسعدالله ياعجايب العيون الاحورية
ويسعد الله ياعجايب الجدايل والذوايب"=" ويسعد الله ياعجايب الخدود الاسيلية
ويسعد الله ياعجايب المراهيف العذايب "="ويسعد الله ياعجايب الشفاه القرمزية
ولو رحلتي ياعجايب ساكنه بين الحدايب "="مثل ورده ياعجايب والحنايا مزهرية
والحقيقة ياعجايب الهوى كله غلايب"=" ياعجايب بالعصور التالية والاولية
والغرايب ياعجايب بالهوى ماهي غرايب"="صرت انا مجنون ليلى وانتي ليلى العامرية
ولودريت ان المحبة تاليتها للنشايب "="ما عشقتك ياعجايب لكن الخيرة خفية
سامحيني عجايب واعذريني ياعجايب "="والله الموضوع ما هو ياعجايب في يديه