شبل الأسـد

قصيدة موجهة لـ محمّد بن سليمان الربيض الوابصي

شبل الأسـد

فاض القصيد وسال بالصدر ماسال = وإسترحمت دقّات قلبي ولا كفّ
لعل سيله تستقي منه الأمثال = حتى يجي بيت القصيدة مكلّف
البارحه عن دار الأجواد رحّال = ساري وهمّي بالحنايا تنصّف
لاهي على الخاطر , ولا هي على البال = مجبور أسافر ماقدرت أتصرّف
أسري وأحس النار بالصدر تجتال = وصفّن هواجيسي على مهجتي صف
سوّن بقلبي من عنا وقتي دلال = وقالن لزوم معذب الحال يرشف
غصبن عليّ أشرب من الهم فنجال = فرقا الرجال تخلي القلب ينزف
والليل حتى الليل من لوعتي طال = لاغمّضت عيني , ولا رمشها رف
مادامها فرقا محبين وأهوال = هذي قصيده قافها آل مع أفّ
( الوجه ) يارايح لها هاك مرسال = من كف ( عبدالله ) قصيدٍ مظرّف
تلفي على بيتٍ للأجواد مدهال = بيت الربيض إنصاه لاتدور وتلّف
ماأعلمك يهديك له كل رجال = معروف حيث المعرفه ماتعرّف
تلقى محمد طيب العم والخال = سلّم عليه وفي كلامك تلطّف
وأعطه جوابي قبل ينشد عن الحال = الحال في راس القصيدة توصّف
أول ثمان أبيات همٍ وغربال = قلبً بلوعات الليالي مغلّف
واللي بقى مابين تمهيد لأقوال = أو فلسفلة شاعر يحب يتفلسف
وأنا بقول إنك لك بقلبي إجلال = ماهي مصالح أو كلامٍ مزخرفّ
بالعكس , مماشفت من زين الأفعال = القلب يآمر والكتابه على الكفّ
يكفيك أبوك , وسمعته بين الأجيال = شبل الأسد عن والده ماتخلّف
تدري من الخسران ياطيّب الفال = رجل أجودي وبصحبتك ماتشرّف
ماينشرى عرف الرجاجيل بالمال = لو ينشرى حتى الخسيس يتسلّف
ولايستوي عقّال مع ناس جهّال = أرضٍ ربيع بقربها قاع صفصف
الشهم يزعل من تصاريف الأنذال = والنذل يحسبها لقافة ملقفّ
اللي مشى سيده على الدرب مامال = واللي حياته منتنه ماتنظّف
وأرجع وأقول الطيب فالناس مازال = إلين ماعمر الزمان يتوقفّ
غالي وحطيتك بقلبٍ له أقفال = إنته ومن مثلك هم القصد والشّف
ولو ماضرب في داخل الروح زلزال = ماكان عدّيت القصيد المولّف
فاض القصيد من المعاليق شلاّل = واللي يبي يقرا ترا مابعد جفّ

عبدالله بن محمود الجحرش البلوي

تحيةمن القلب لك اخي ياسر على الدرر الثمينه لشاعر بهذه الجزالة

ابيات اكاد اؤكد ان بين ا بياتها غيرة كبيرة

فكل بيت يقول لمن سبقه انا الأجمل

شعر جميل وممتع

والنعم بالمادح والممدوح وفيك ياياسر

تقبل تقديري

مشكور اخي ياسر حمدان على النقل لهذا الشاعر الجميل






وصح لسان الشاعر عبد الله محمود





وتحياتي للجميع

اخي العزيز ياسر حمدان

الله يمسيك بالخير والسرور

الله يعطيك العافيه 0 ما اجمل اختيارك

والنعم بالمادح والممدوح 0

الحقيقه القصيده من شاعرنا عبدالله محمود لها طابع خاص ومن القلب اتمنى له التوفيق والسداد

وشكرا لك اخي ياسر الله يوفقك

تحياتي وتقديري لك ولشاعرنا القدير عبدالله

بكل ود هنا شعر رائع جميل وجماله نابع من قلب
مشاعر صادقه ومعاني ساميه
الشاعر هنا يعني ماقال فعلا
اجمل تحياتي

يكفيك أبوك , وسمعته بيـن الأجيـال
شبـل الأسـد عـن والـده ماتخلّـف
تدري من الخسـران ياطيّـب الفـال
رجل أجـودي وبصحبتـك ماتشـرّف

اخي ابوحمدان صح لسانك وصح لسان قايلها
فعلا اخي هذا الشبل من ذاك الاسد
تحياتي
اخوك مرزوق اللوط