نختال بس قلي على ويش نختال**مقبل البلوي

عطني من اللي تقعد الراس فنجال
فنجال دله يقصر النقد عنها
ابغى اتهيض واتمثل بالامثال
واحط بارقاب الصعايب رسنها
سرى بي الهاجس وانا حمولي ثقال
هذي يبينها وهذي دفنها
خذها على كف القدر فال وعقال
من واقع افراح الحياة وحزنها
قتال يا هم الرجاجيل قتال
يوم اقبلت خيلك تسابق زمنها
نختال بس قلي على ويش نختال
وارقابنا تنساق للي رهنها
الكوكب اللي منقطع عنه الارسال
بينه وبين الارض واللي سكنها
حطت عليه رحالها اقدام رجال
رحلة ذهاب وعودته ما ضمنها
لا فاكس يستقبل ولا ارسال جوال
في عصر عشاق المظاهر فتنها
بعض البشر عاشت على سود الاعمال
تسلب من قبور الجنايز كفنها
جبروتها يقتل طموحات الاجيال
وشعوب فوق الارض تدفع ثمنها
ياللي تهمك معرفة بعض الاحوال
جتك المصادر واعرف العلم منها
حط الكلام اللي سمعته على البال
ترى الرجال قبورها في وطنها
يسقي معاطيش الثرى دم الابطال
من شامها حتى مشارف يمنها
هذا الصحيح اللي من الواجب يقال
وان ما فهمت الناس لا تمتحنها
رح غنها والعب على كل موال
وش فايدة بوح النفوس وشجنها

شعر : مقبل البلوي

مشكور يالهامور ويعطيك العافيه

اشكرك اخوي الهامور على الاهتمام الله يحفظك
وسلمت يمينك على النقل وصدق عليك قول المثل
.. رب اخ لم تلده امك ..