بالتوفيق لها بشاعر المليون
إيماءة شاعرة
رقـيـت بْمـرقـبٍ تشـفـي هبـوبـه =أبي الراحه وقلبي مـا استراحـي
أرِدّ بْــه النـظـر مـنّـه وصـوبــه =واضيق وهالفضا حولي براحـي
شربت القاف لو هم حَثْربـوا بـه =أديـر أصفـاه مـن راحـي لراحـي
إذا غـيـري غــدا قـافـه ركـوبــه= يورّدهـا عـلـى الـجـال المـلاحـي
أنـا قافـي مــن المـزنـه سكـوبـه =قـراح وكــل مــا جـابـه قـراحـي
واذا ما الراس بالحيل مْعَصوبـه =تعلّتـهـا القـنـا مــن كــل نـاحـي
أنـا اللـي كـل ربعـه هَذْربـوا بـه =يجيه الهَرْج مـن واحـي لواحـي
إذا يــا رب هــذي لــي عـقـوبـه =أنــا تـايـب وراجـيــك الـفـلاحـي
تـرى قلبـي كمـا بيـتٍ عـدوا بـه= جيوش وْتَوّ نـور الصبـح لاحـي
واهيله يـوم عدوانـه غشـوا بـه =تغشّاهـم مـن المـوت الوشاحـي
فــلا عـمــده تـجـوّدهـا طـنـوبـه =إذا لـجَّــت جـوانـبْــه الـريـاحــي
وانـا قلبـي كمـا الـورْق اللعوبـه =لهـا بالجـو ممسـا واصطبـاحـي
على الغصن الشمالي مَعْ جنوبه =تـفـيّــا كــــل ظــــلٍ بالـبـيـاحـي
لـهــا نـــوحٍ تـعَـذْرِبْـه الـعـذوبـه =إذا مـا سِمْعـه المحـزون نـاحـي
دهـاهـا الـحـر والـيـوم بْغـروبـه =وّغَـرَّ بْهَـا الجنـاح أم الجنـاحـي
سمـت بالجـو مـا منْـه مْهَروبـه =وتلقّـتْـهـا وسـيـعـات البـطـاحـي
يــا أمّ الـطـوق والآه مْغَـصـوبـه =أبيحـي يــوم تثْخِـنْـك الجـراحـي
سبيـل المـوت للنفـس العجوبـه =أخيـر مْـن المهانـه والصيـاحـي
إذا مــا قـلـت يــا فَـــزَّاع نـوبــه =ولا مـن جَـرّدوا دونـك سـلاحـي
لـك القبـر إن تهايـل بـك جنوبـه =ولا وَقْفَتْـك فـي بـاب الشحاحـي
بالتوفيق لها بشاعر المليون
فالها البيرق ان شاء الله ..
وفالك التوفيق اخوي علي ...
الــــف شكــــر لــــــك اخـــــــــــــوي سليمان الــجــذلــي عالـــتوقـــــــيع
فالها البيرق
وعندي أحساس أنها هي اللي راح تجيب البيرق
بالتوفيق لها
كل الشكر أبو عايش وتحيتي لك يالعذب
ليس عيبا أن تكون أفكارنا في حواراتنا مختلفة
لكن العيب أن تكون أفكارنا متخلفة
الذين يشاهدون الموضوع الآن: 1 (0 من الأعضاء و 1 زائر)
المفضلات