وعد بلفور00؟

ي

يا المعتصم وين أنت يا ليتك تشوف=دار العروبه من بعد وعـد بلفـور
مشهد مذله عجزنا راعها ألخـوف=ثكلى ضعيفه تحتضن شجرة الحور
أصبح عدو الله بأوطاننـا يطـوف=الوضع مزري والاسد يذعره ثـور
رغـم عددنـا بالملاييـن وألـوف=كثْره على قلة هُدى عزمها يخـور
الامر واضح ياعرب صار معـروف=كاس المذله ما لقى راس مسطـور
الموت أرحم من مذله لهـا وقـوف=أفضل من أللي يعترينا مـن دهـور
حتى ألتكاتف بيننا صار مكسـوف=يخجل ينادينا على صـف طابـور
ناس بنعيم وناس راحت كذا حتوف=حتى ألشجاعه أمرها صار محـذور
ألمشكله فينا على كثـرة صفـوف=حب الحياه ومرجع ألكـل دستـور
أقروا كتاب الله وأدعوا له وجـوف=يفرج على غزه وأهلها من ألجـور
نكتب ونشجب بالمعاني مع حروف=والـدم ماهـو دم تحليـل دكتـور
معذور من مثلي ولا يلحقه سـوف=واليد مـا باليـد حيلـه ولا شـور
أذا دعينـا للوغـى سلـة سيـوف=حرام لو معهـم قنابـل وفسفـور
حرام لو يوعز لنا نحوفهم حـوف=فينا مشاعر ولعـت دمهـا يفـور
السالم منهم ساعف الله مكتوف=هذا اسير وذاك ميت ومذعور
أما نموت وكل من مـات مخلـوف=يكسب شهاده ثم يسكن مع الحـور
اما نعيش احرار من دون مصروف=والا نموت الكل والحال مستور
ياالله يالمعبـود راجيـك وتشـوف=ترحم عبادك وأرجي الذنـب مغفـور