نعيب زماننا والعيب فينا

تحية احبتي

واليكم هذه الأبيات آمل ان تحوز على رضاكم

نعيب دنيانا وبنا العيب موجود=من طاح قلنا جور الأيام ضره
وماكل من سموه محمود محمود=اما انتما للخير والا لشره
بيت الكرم لو جاد من زود في زود =وبيت الردى يرجع ولو جاد مره
والغيث تسبق هلته رزة رعود =والآدمي لو هي تضره تسره
والطير لو هاجر من حدود لحدود =لو طال فيه الوقت يرجع مقره
والناس بين اثنين ناقد ومنقود =والحر دايم نظرته للمجره
حذرا طريق الشر والعمر محصود =والخير له فجه كما فج بره
لا تحك راس العود في مقدم العود =يقدح زناد الشر وتذوق حره
من طاب للمخلوق طيبه من الجود =ومن طاب في جوده فلله دره
سلام للي طاب مثني ومردود =من طاب مانلحق جزاه ومبره

فالح السميري

يبـدي مـايريد ويـكتب مــايرى

لا يغيب الا حضوراً ولا يحضر الا بصورة ( فالح .. الشعر / والابداع / والتميز )

ف
ا
ل
ح

أسم اينما يتـواجد تجد الإبداع والجزاله


ابو عـــــــــمر ... لله درك

فــ أنت رائع بكل ماتعنيه هذه الكلمه

وتبقى شهادتي فـيك مجروحه


ولكن


شكراً لك عـلى هذا النص الرائع بروعة أخلاقك وشعرك وثقافتك


ويشرفني ان اكون أول من يسجل حضوره هنا


من القلب


شكراً لكـ


* عايد السميري

ياسلام عليك يابو عمر

كل القصيده اعجبنتي ولكن هذا البيت بزود

بيت الكرم لوجاد من زود في زود = وبيت الردى يرجع ولو جاد مره

وانا اقول

بيت الكرم طول الدهر عد مارود = وبيت الردى بالقيض ماحد يمره

تقبل تحياتي وتقديري

الله يوفقك

فالح السميري

صح لسانك ياشاعرنا العذب مدد بلا عدد
ولاعدمنا هذا الحظور الرائع وهذا الحرف الراقي
وتحيتي لك

الشاعر
فالح السميري
,
تسلم ويسلم فكرك
قلم يعجز قلمي عن مجاراته

حقيقه
جميل وجزل

,
,
بارك الله فيك
’
,
لك مودتي


عبدالله الوحيشي

لأبو عمرإبداع لايجيده إلا فالح ولفالح
نهج لايجيده إلا أبو عمر.صح لسانك.