عليك الصبر / عبدالله محمود المعيقلي
.
.
قصيدهـ لـ / عبدالله بن محمود المعيقلي
.
.
يضيق الآدمي ويشطّ ريقه = وينشد صاحبه .. ويش الطريقه ؟.
وأنا ياصاح .. لك نصّاح لـ /ـنك = صديق ٍ مايجنّب عن صديقه
ولك وقفات بالضيقات وأكثر = من الوقفه .. مشاعرك الرقيقه
لذا حبّيت أخصّك في مثايل = بها بعد الولي تفريج ضيقه
تحزّم بالعزم عند النوايب = يعينك حينها ربّ الخليقه
ولا تشكي على المخلوق همّك = لو تشب بمعاليقك حريقه
تجلّد وإصبر لهمّك وتجني = عسل دوبه تكون من رحيقه
وبالكتمان .. أمان من الشماته = مغاليقه على البلوا غليقه
وكم ياكم رجّال ٍ تبسّم = وروحه في مواجعها غريقه
يغرّك من كثر فلة حجاجه = ليا شفته مع وجيهً طليقه
ويمكن فوق مابه من مواجع = يفرّج ضيقةٍ حلت رفيقه
وهذا قدوه بمقدار صبره = كما الألماس مايخفى بريقه
( عليك الصبر ) والباقي على الله = تطيق الصبر ولا ماتطيقه
وتحياتي للجميع .
رد مع اقتباس
المفضلات