( قصة الصده + الغربال ) . . .

( قصة الصده + الغربال )..
انا و ابو النايفه السبوتي ..
للشاعر ابو النايفه السبوتي قصيدة بعنوان قصة الصده و لشدة اعجابي بالقصيده قمت بـ مجاراتها ,,
و اليكم القصيدتين ..!!

قصيدة الشاعر / ابو النايفه السبوتي

( قصة الصده )

على صوت الأنين و دمعة الفرقى و ضيق البال =نزل دمعي على خدي اثر دمعي مسليها
احاكي قصة الصده اهوجس و السنين ثقال =تقلطني على الضيقة تقهويني و اقهويها
ترافق خافقي صورة غدت في خافقي تمثال =رفض جور الليالي و سافي الايام يخفيها
تداعبني على طول المدى في هاجسي تختال =على وجه الشفق اكتب حروف اسمه و يمحيها
اسامر طيفه الباقي و انا واقف على الاطلال =حزين و حزني اضمه على ذكرى طواريها
تجمع في هجير الشمس مع وقت الظلام خيال =اثر هذي سحابة صيف متحري عشم فيها
سحابه عدت و غيمة بنت في داخلي آمال =و صاح البير مع دلوه عطش ابكى سوانيها
أسأل قلبي الضامي علامك للظمآ مدهال =يصيح و من عطش ذاته يدور في محاريها
يقولون العرب قول(ن) وفي قول العرب امثال =من يطرد سراب اللال يمسي مع ضواميها
أصبر قلبي الهايم أغني لـلهوى موال =كتبت إسمه على اوراقي قصيدة صرت أغنيها
يقهويني شقا حظي مع ضيم الدهر فنجال =ألا يا غبني من غبنه جروحي كيف يحييها
فمان الله يا ديره مسافر و الدروب طوال =و تايه وسط خطواتي غصب عني ادربيها
فمان الله يبعدني زماني و الزمان اهوال =صبرت و شينت فالي اماني كنت امنيها
فمان الكلمه الحلوه تكفيني مع الترحال =احب اشوف بسماته على وجهه و احييها
فمان الله يا سدر الغدير و غصنه الميال =يشرب من نقى جمة قراح العين يسقيها
تركتيني وانا حالي يسولف عن ردات الحال =وكتمت بداخلي عبره عن العذال ادرايها
حقيقه واضحه جداً احبك و الغرام هبال =و لكن هامتي ما ارضى لغير الله اوطيها

و مجاراتي لها بقصيدتي

( الغربال )

ألا يا صاحبي لو هي على كيفي تسير الحال =لأسيرها قدم رجلي على الطرقه و اعديها
الا يالشاعر و صوتك تناهيته من الترحال=وعلى بوحك يقوم النوح على قلبك يناجيها
مشينا من على هالارض و العثره علينا فال=شباب و تونا نمشي على مرسى موانيها
غفت عيني على همي غفت بين العطا و محال =توقظني كوابيس(ن) بنصف الليل و اسريها
على درب السراب امضي نخيته يا كريم إسبال=تبل كبودنا عطشى على عدوك تضويها
الا يا وجد حالي وجد شيخ(ن) ما خلفه عيال=وحيد الحال و اللي له عجوز الله موفيها
يجود الحظ بي هم(ن) لقى في داخلي منزال=نزل همي و لا ينزال لين ادفن بأراضيها
سماي اظلم بعد فرقا حبيب اول حروف دال =رحل من عقب ماهو لي سما كوني يضويها
فداه الطعنه اللي في حشا جوفي تمد اميال =فداه الطعنه اللي لين موتي منه اعانيها
على رغم الطعون اللي وانادايم صدوق اقوال=على الله حروفي من حروف اسمه يسليها
رجاي بخالقي لا حدني غالي على الغربال= لـ آنهي قصه تنّزل دمع سامعها و قاريها
سببها ضيقة الخاطر تقيدني جويد احبال =تجازيني بليا اسباب و اسمحها و اجازيها
دخيل الله دخيل العين دخيل الرمش يا قتال =دخيل الصمت و دروبه دخيلك لا تعديها
دخيل الدفتر الوردي دخيل الشوق و الاطلال=و حرفين و صدر مطعون على فرقى محبيها
الا يا مصعب اوقاتي على مدي اشوف اهوال=تجور بوقتها فيني و اساير في بواقيها
تباهيكي مع الايام ماسوا و لاهو طال=تباهي بي يوم و يوم يا غير ازين تباهيها
رقيت برجمي العالي واناظر في غروب ازوال =سألني الضلع يا شقيان حياتك ليه مشقيها
و ليه ان جيتني عاني اشوفك في كثير اشكال=تعبت وطالت المده و انا الضحكه اعزيها
اشوف ان الفرح غايب و البسمه حداها اقفال =غبت و غابت احلامي على حظي امانيها
سبت من هواه القلب و امرضني عديد ليال=و لا غاب في بالي ذكرى غرامك ابكيها
وطيت و لا وطيت الا على العتمه سرى المنوال =حكايا في عناها اوجاع تحاصرني دواعيها
طحت و نظرتي سرداب و الحاجه بيدين انذال =على الحاجه و محتاجه تمد ايدين راعيها
صدري جمع ضيوفه و ظهري قدم الفنجال =على طيب و على تقدير ولاني من مشاريها
و ختام الكلام اللي مضامينه غصب تنقال=دريت ان الجمل لا طاح ياكم واحد يمشيها
و الا يا صاحبي لوهي على كيفي تسير الحال =لأسيرها قدم رجلي على الطرقه و اعديها

الغادي

كل الاحترام لكم ,,

صـــــح لســـــانــــك أبــــو النايفــــــة السبـــــوتــــــي " على قصيــــدة الصــــــده "


صــــــح لســـــانـــــك الغــــــــــــــــــــــــادي " على قصيـــــــدة الغـــربــــال "



وبالتوفيـــــــق للجميـــــع


ولا تحرموووونــــــا جديدكـــــم



اثنيناتكــــــم تعبكـــــــــم راحــــــــــــــــــه

الف شكراً لكما ، أستمتعنا معكما بهذه المساجلة

صـــــح لســـــانــــك أبــــو النايفــــــة السبـــــوتــــــي " على قصيــــدة الصــــــده "


صــــــح لســـــانـــــك الغــــــــــــــــــــــــادي " على قصيـــــــدة الغـــربــــال "



وبالتوفيـــــــق للجميـــــع


ولا تحرموووونــــــا جديدكـــــم



اثنيناتكــــــم تعبكـــــــــم راحــــــــــــــــــه

تعبك راحـه

أشكر لك حضورك و مرورك العذب هنا

لـ حضورك طعم آخر !

و لا تحرمني إطلالتك المميزهـ

كل حبي و تقديري لك

الغادي

الف شكراً لكما ، أستمتعنا معكما بهذه المساجلة

الآخ القدير / موسى ربيع البلوي

كل الشكر لك لـ مرورك

و اسعدتني رؤيتك هنا

كل احترامي و تقديري لك

الغادي

الغادي-بالتووووووووووووووفيق وسلمت يداك!!!!