انا ادري ان المرض لايمكن علاجه

الملف الشخصي · 03-21-2005, 04:14 PM

القصيده تحكي قصة الشاعره المعروفه عابرة سبيل والتي اصيبت بالمرض الخبيث اعاذنا الله وإياكم منه

وكانت كل ماتدخل المستشفى تجلس فتره عشان تأخذ العلاج واذا طلعت سوالها زوجها ذبيحه وكانت تدري

بمرضها وتحّس بدنو اجلها وقد وجهت هذه القصيده لزوجها فأسأل الله ان يتولاها برحمته وجميع المسلمين والمسلمات :

ترى الذبايح و أهلها ما تسّليني .... أنا أدري إن المرض لا يمكن علاجه

أدري تبي راحتي لايا بعد عيني .... حرام ما قصّرت إيديك في حاجه

أخذ وصاتي وأمانه لا تبّكيني .... لو كان لك خاطرٍ ما ودي إزعاجه

أبيك في يديك تشهدني وتسقيني .... أمانتك لا يجي جسمي بثلاجه

لف الكفن في يديك وضف رجليني.. ما غيرك أحدٍ كشف حسناه وحراجه

أبيك بالخير تذكرني وتطريني ..... يجيرني خالقي من نار وهاجه

سامح على اللي جرى ما بينك وبيني ..... أيام نمشي عدل وأيام منعاجه

همي عيالي وأنا اللي فيْ كافيني ..... علمهم الدين تفسيره ومنهاجه