على وجه الزمان

كتبت هذة الأبيات وأرسلتها لبعض إخواني من شعراء منتدى بلي ولم اكن اطلب الرد بقدر ما كنت اطلب الرأى فيها اما احمد عايد فقد اتصل وقال ما قال واما التلفيه فقد قال اعد النظر في البيت ما قبل الاخير وما محمد عوده القويعاني فقد اتصل وتحدثنا طويلاً واما الدكتور يوسف فقد اتصل وقد اعطاها لمنشد وقد تم تلحينها وقلت له تمون واما سلطان البوي فقد ارسل ابيات أكثر من رائعه اشكر الجميع وآسف على عدم المشاركه كما ينبغي

على وجه الزمان اللي يكلمني عن الاصحاب = علامه من علامات السخط يا اصحاب مرسومه
وانا ما ادري من الصادق وانا مادري عن الكذاب = وعمر الآدمي محدود والارزاق مقسومه
اعاتب ناس واللا ناس اخليها بدون عتاب = على قدر المحبه نزعل الرجال ونلومه
تعبت ادور الاسباب وانا عارف الاسباب = انا والليل خوّه ما ننام وتشهد نجومه
ومادام ان الصحيح يحطني ما بين ضرس وناب = ابا اصبر لين يظهر للصحيح ارجال وتسومه
وانا ما اجفل من حبال الزمن واعرف ناب الداب = تقوم الناس وانا ادري متى تصلح لي القومه
وعلى راي المثل مافيه بين الخيرين حساب = ولكن الزمن يبغى يسولف لي عن همومه

وهذة أبيات سلطان

هلا بمهذّب الحرف الجزيل الشاعر المهياب = هلا في إسمه وقافه هلا بذكراه وعلومه
هلا وماهو هلا بالجرح يا صقرٍ شكا المخلاب = تقفّاك الزمان ولحّقك ضربات مسمومة
على وجه الزمان اللي تشوف وخاطرك منصاب = شكا اللي ماشكا كبرك ووصلت لين حلقومه
وانا ماني نزيه انزه من السهو وعتب عتّاب = ولا معصوم من زله ولا ماخوذ عن نومة
تحسّسّت الخطا لنّي شباب وعارضي ما شاب = خطير اني غفلت ولك عليّ أخطاء مكتومه
طلبتك يا أخوي اللي تحضّر بالفؤاد وغاب = على طاريه اسولف به وفاخر باجمل اسلومه
طلبتك كان لي زلّه تراني للعفو طلاّب = عليّ الدين من عزك شملني لومك بلومَة
وإذا طال الزمان وضاق بك دارك من الاحباب = مثل من ضاقت اهدومه عليه يبدّل اهدومه

شاعرنا الكبير . . عبدالله مناحي منقره


بحق . . سيطول بي المقام هُـنا


للاستمتاع بمفرداتكم وومعانيكم العذبه

أطيب المُــنــى ،،

سلمان العرادي

صح السانك

على هالدرر

الرائعة

ولاهنــــت

هلا وغلا في ابو علي ...نور الموقع في جديدك ودائما شهادتي فيك مجروحه

رسالتك وصلتني وارسلتها لاكثر من شخص ومن ضمن الردود

عبد اللطيف الحمراني (قصيده مجنونه من صاحبها )
نايف العامر (اتصل فيني ويقول اسف يا ابو عايش والله مقصرين معك )يحسبني اعاتبه
غضيان احمد السحيمي(قريتها عليه وطلبها مني وارسلها الى صديق له مري في قطر )الله اعلم ان ابو احمد يعاتبه
عبدالرحمن الحربي (رد على برساله يقول :
لاتحسب اني اذا ابطيت ناسيك
ماينسى عشرة صاحبه غير الانذال
حدتني ظروفي على البعد لاجيك
هم بوسط القلب والدمع همال
وإلا انت ياكل الغلا افتخر فيك
وحبك سكن داخل فؤادي ولا زال

الكثير اتصل وبخصوصي انا قلتها لك من قبل يا ابو علي انت شاعر شاب يحمل مخزون فكري وثقافي
ندر بين الكثير من الشعراء
بارك الله فيك يا شاعر الحكمة

علي بن عايش الرقيقيص

ألاخ / عبدلله مناحي ’ ألاخ / سلطان

بكل صراحة أمتعتوا

الجميع

لاهنتوا يا مبدعين

أثنيناتكم فوق ألاشاده

حقن فرحت بهاذين النصين

الجميلين

أحترآمي و تقديري

الغــآدي

العذب / عبدالله المنقره
صح لسانك مدد بلاعدد قصيده رائعه بحق
ولاهنت ولاهان العذب / سلطان

وتحيتي لك