صحيح النار ما تحرق الا رجل واطيها

رحلتي ودمعتي بانت وشفتيها على الاوجان = وانا من حرقتي تذرف دموعي ما قدر اخفيها
رحلتي ولهفة اشواقي اعانيها مع الاشجان = اواسي نفسي بنفسي وروحي من يواسيها
رحلتي ولاتركتي لي عبارة حب او عنوان = اوكلمة وداع اللي رحلتي ما ذكرتيها
يليتك بس تعذرتي وقلتي غلطة النسيان = ما اقول انك تعمدتي وقصتنا نسيتيها
ولكن كيف ينسى اللي يقول ان الغلا ايمان = نطقتيها وجحدتيها سواتك من يسويها
حسافه كل حلمي ضاع وانا من لهفتي حيران = حسافه قلبي المجروح آهاته يعانيها
ابي انسى غرام مات ولا اندم على ما كان = وابي انسى هموم النفس واجروحي اداويها
الا يا ناكره حبي صحيح ان طبعك النكران = عرفتي تحبكيها زين وعلى قلبي لعبتيها
ولكن الثمن غالى وانتي تعرفي الاثمان = صحيح النار ما تحرق الا رجل واطيها

اهداءالى كل من مر بمعاناة عاطفيه .محبكم دائما ابراهيم عايد الوابصي
وتقبلوا فائق احترامي