شوف الأنوثه لاكساها..رجوله مليون مثلك مايجبون راسي..

شوف الأنوثه لاكساها رجوله
مليون مثلك مايجيبون راسي

راسي يبي لك برج ايفل.. تطوله
لاصرت فوق البرج لاقيت.. راسي

رعديد ظن اني بجيه ..بسهوله
واصابع اليد الخبيثه ..سواسي

عقلك رسملك في كلامي طفوله
وانّي ابشرب مع رداك..انتكاسي

يومك لقيت الطود رافض..نزوله
صاحي لفعلك ماغلبه..النعاسي

حرب الخنى والكذب عندك..بطوله
ظنّك عظيم وقوتك فوق..باسي

لو هي جلاميدك تحدّر.. عجوله
كلّي رقا ثابت جبالي..رواسي

لاتحسب اني بنت وهله..جفوله
أرعب انا دنيا نوت..بافتراسي

منهو يجاود طيب فيني..ينوله
أعطيه قدره واحترامه..أساسي

مترفّعه عن ذا الحثاله..جهوله
ماشاقني تمثيل تحت..الكراسي

متنمره صايل بي الجوع ..صوله
إحذر نفوري انصحك..باحتراسي

كبري عداني مايظنك..ميوله
مثلك صغير ٍ مايثيره..حماسي

كانه يجي بعد الطفوله..كهوله
شرواك يمكن عارف ٍ وش ..أساسي

يمكن بقالي بآخر الحرب..جوله
إحفظ كلامي كانك اليوم..ناسي

شوف الأنوثه لاكساها..رجوله
مليون مثلك مايجيبون..راسي

مماراق لي

نقل رائع وموفق اشكرك خياله بلي

مشكوره يلخياله
قصيدة شموخ وتحدي واعتزاز بنفس وثقه متناهيه ومتى لبسة حوا ثوب ادم ارعبته

شوف الأنوثه لاكساها رجوله
مليون مثلك مايجيبون راسي




راسي يبي لك برج ايفل.. تطوله
لاصرت فوق البرج لاقيت.. راسي


راق لي كما راق لك غاليتي

نقل مميز تسلمي

كلامي من كلامك يالخزامي لااضف جديد غير

الشكر لخيالة بلي على هاالاختيار الموفق

راسي يبي لك برج ايفل.. تطوله
لاصرت فوق البرج لاقيت.. راسي



رعديد ظن اني بجيه ..بسهوله
واصابع اليد الخبيثه ..سواسي

الله الله عليك خياله صح نقلك وابداعك