{{ ياشـــــيـــخ }}

السلام عليكم ورحمة الله وبركاته
هذه القصيده كتبتها رد على قصيده للشيخ شليويح بن فريج صالح القريّد الوابصي
وأرجوا أن تنال رضا الإخوان القراء والجميع

,,,,,,,,,,,,

سلام ياشيخٍ من بين الرجاجيل ,,,, سلام ياراع الحمول الثقالي
سلام مع نسمة هبوب المقابيل ,,, واعداد ماهبت هبوب الشمالي
ياشيخ من بين الشيوخ كنه سهيل ,,, وشيوخنا دايم نجوم عوالي
ياعودٍ كل شي صعب عنده تساهيل ,,, صنديدٍ دون ربعه ونعم الفعالي
يافازع لكل محتاج , وللدخيل ,,, واليا ضاقت تنتخيه الرجالي
يامقدمن الطيب والفعل الجميل ,,, يبقى مابين الناس يضرب مثالي
فتحت بابك والمجالس مداهيل ,,, وعلى جال النار صفرالدلالي
ياكريم ابن الكريم منته بخيل ,,, ذبحت عوج رقاب وضان وحلالي
الطيب عند الله له الأجر الجزيل ,,, وتثني عليه الناس اول وتالي
وربعي بلي فيهم ذباحت الحيل ,,, لي الفخر فيهم وهم راس مالي
اهل الشجاعه والكرم والمعاميل ,,, واهل الشجاعه ماتهاب القتالي
وكل واحد من بلي له مراسيل ,,, الكل مثل البعض عندي وغالي
فيني حميه طول ماكتوفي تشيل ,,, راسٍ به الحمّيِـا دايم تشالي
انا وردت الشــــعر وعندي مداخيـــــــل ,,, مابين جدي وبين عمي وخالي
يفوح فيه عطر الخزامى والنفيل ,,, شعرٍ وصافي كنه الما الزَلالي
يالله تغفر ذنب عبدٍ لك ذليل ,,, وانت الوحيد اللي يغفرالزِلالي
وصلاة ربي معا كل صبحٍ وليل ,,, على النبي وكل ما حل المجالي

,,,,,
والسلام عليكم ورحمة الله

اللهم صلي على محمد
،،،
صح لسانك أبو الجوري
،،،،
ويستاهل الثناء أبو طلال ،، على وقفاته
المعروفه
،،،،
وهكذا هم كبارنا من قبيلة بلي
كالشجره التي كلٍ يستظل بظلها
،،،
تقبل مروري
وطابت أوقاتك

بارك الله فيك ابو حمد
والله يحفظ لنا كبارنا ويطول بأعمارهم هم القدوه لنا والمثل الاعلى
وشكرآ على المطالعه والمشاركه

ماشاء الله ابو الجوري شااااااااعر ولا تعلمنا
صح السانك يالغالي

والله يديم بر الوالدين بالقول والفعل وابو طلال يستاهل
الله يبارك فيهم ويطولنا باعمارهم