عد الشجر واعداد ما لاح براق

عد الشجر واعداد ما لاح براق= يامرحبا ترحيب واسع نطاقه
جاني جواب موضحاً فوق الاوراق==فيه الوفا والطيب رمز الوثاقه
ياعم شكوانا ورى ذيك الافاق=قصدي بعيد ولانويت الحماقه
وانت فهيم وعارف لون الاطباق= وكلٍ على كيفه ورجله بساقه
احداً على زورق مع الجم زراق= واحدٍ على رجليه ويسوق ناقه
واحداً دموعه فوق خده الى ضاق= عزمه ضعيف عروق قلبه دقاقه
والوقت يجري والمخاليق بسباق= وناس تسابق من كسب بسباقه
والطيب واجد والاجاويد ترياق= واما ردي القوم ودي فراقه
والبيت ينصب بين عمدان ورواق= ينقص ذراه إن كان شمر رواقه
وايامنا مثل البحر سر واعماق= ومن يجهل الدنيا تجيه إصطفاقه
قافك قريته مع القاف مزراق = ابحرت بالمعنى وتوجته إباقه

الشاعر الجميل فالح ابن مخيلي السميري

صح لسانك على ابداعك يابو ياسر

جزل كما عهدناك

الشاعر / فالح بن مخيلي


سلمت وصح لسانك


قصيده جزله وهذا ماتعودناه منك دائماً لا تاتي الا بكل جزل

تحياتي وتقديري

الجزل

فآلح بن مخيلي

صح الله لسآنك وطيب فآلك

رآئع وأكثر

ولاتطل علينا بالغياب

إحترآمي

أبن مخيلي

صح السانك

نص عذب وعزفته علي المسحوب

مودتي لك