قصيده الشاعر عوده فهيد القرعوطي البلوي

بسم الله الرحمن الرحيم
قصيده للشاعر / عوده فهبد مطلق القرع وطي عند زيارة ولي العهد الأمير سلطان بن عبدا لعزيز لإحدى المناطق ولكن لم تصل إليه وقلت فيها

يامرحبا بسلطان على الرأس والعين= عداد ماينشئ الرعد من بحوره
الغالي اللي زارنا يوم الاثنين= والكل منى فارحن في حضوره
لها البلد تلبست ثوبها الزين= قضت شعرها ورشته في عطوره
يامملكتنا غني في عام الألفين= في راية التوحيد خضراء معمورة
يارض الملوك اللي حمو حوزة الدين =نورك تزايد وأسسه اخو نوره
العدل فيك منيتن له موازين =والظلم عنك مقلعين جذوره
يالله عساهم دايم الدوم عالين =وعدوهم تجعل صعوده حدوره
عسى عداهم في دمار وبراكين= مثل اهل الفيل اللي نزل فيه سوره
لو مامتدحهم عن مدوحي غنيين =الفعل بين والرجال مخبوره
لكن بعبر عن قديمن وهالحين= وكلن على ماشاف يشهد بنوره
سلطان ياعون الضعوف المساكين =عون الضعيف اللي وطى الوقت زوره
أريد لي صالون من بعد الألفين= أركب عليه ابوي هو والبزوره
نمشي عليه لبيت مكه ملبين =ومسجد رسول الله بطيبه نزوره
عسى حسناتك يرجحن بالموازين= يوم الأوادم والوحوش محشوره
شعاركم بالله ونخله وسيفين =وطلب الولد لبوه مابه معوره
يانجد غني وارفعي بالذراعين =يالله عساكي بدوم عزك فخوره
واذا غنيتي عارفا وش تقولين= عذب البحرجانى صفى من بحوره
عبر الجبال الشاهقات المكامين= وصل المواطن وابتهج في سروره
وفي المعاهد والجوامع ملايين =وفيه يدور العلم مليون دوره
وفيه سعوديين بالراس عالين= سطح القمر وصلوه صوتا وصوره
وفيه جيوشا تلتطم للمعادين= تسلم عليها مهرفلات السعوره
يارب وفقهم مع الخير ياقين= يامحصين خلقك وعالم نشوره
ياللي خلقت آدم سلاله من الطين= واخرجت حوا من حدىأضلاع زوره
جاه الإله مكون الكون تكوين= تنصر ملكنا عز شبعه وصوره
ياسامعين بقولنا قولوا امين =عسى عداة الدين دوم معثوره