.. راحتي راحت ..

السلام عليكم ورحمة الله

مصافحة أولى

لكم أيا أنقياء

راحتي راحت وراحت مع حياة الروح روح=وابتدت فيني المآسـي والمواجـع والألـم

الحـزن مستوطـن بقلبـي ولاودّه يـروح=والله الشاهد علـى حـرفٍ كتبتـه بالقلـم

نصفي أحزان وهموم ونصفي الثاني جروح=بشتكي همي على ربٍ خلقنـي مـن عـدم

آه كم قالوا لي إبني من طموحاتك صـروح=آه من حزنٍ يخلّي صاحبـه مثـل الصنـم

أربع سنيـن بلياليهـا أنـا أبكـي وأنـوح=أربع سنيـن بلياليهـا أعيـش بهـم وغـم

أربع سنينٍ وأنـا والله مـدري ويـن أروح=أربع سنينٍ وصار الصفر لي أكبـر رقـم

لين صار الياس في عيني أشوفه لي يلـوح=وخوفي يامرني وأنا ما أقول غير أبشر وسم

والله إني حايرٍ أصمـت أنـا وإلا أبـوح؟=والله إنـي حايـرٍ والـكـل والله مافـهـم

صرت أنا في قاع قلبك وأول بعالي السفوح=مدري والله يازماني هـو حقيقـه أو حلـم

ياحبيبي هاك قلبي ريحة جروحـه تفـوح=دام قلبي شايفك فـي دنيتـه أفضـل حكـم

ياحبيبي شوفني جيتك وأنـا كلـي جـروح=شوفني جيتك وجسمي امتلى من جرحي دم

الصدر بي ضايق ووجهي بدا ماهو سمـوح=وصارت الدنيا بعيني لونهـا لـون الفحـم

ودي أشعر بالأمان وأظمن إنـك ماتـروح=لاتحسسنـي بأنـك قاضـيٍ يالمُتهـم

اعتبرني طفل ضايع قلتلـه يالله نـروح=طفل يبكي *أبغى بابا* تكفى وديني ياعـم

الله يعطيك العافيه وصح السانك وعساك على القوه

ياحبيبي هاك قلبي ريحـة جروحـه تفـوح
دام قلبي شايفك فـي دنيتـه أفضـل حكـم


وائل البلوي


جميل ما اثريتنا به من معاني


أطيب المُـنــى ،،

سلمان العرادي

صح الســانك

ولاهنــــت

قصيدة جـزلـة

ننتظر المـزيد ،،،

راحتي راحت وراحت مع الروح روح
القصيده جميله وتمنا التوفيق للجميع

عليكم السلام

ولو كانت القصيدة:
. متواضعه في المستوى
.وهناك هنات وزنية وضعف في النظم
.وتكرار في القوافي مثل ( اروح / تروح / نروح ) تعتبر تكرار لأنها من نفس مصدر الفعل ( راح)
وضعف واضح في الإبداع



ولكنها بداية جيدة
وننتظر الأفضل دائما


وكل عام وانتم بخير