قصيدة خميس بن حميد في مدح الشيخ خالد بن طريف

أبدا بالله رتب الكون ترتيب__ الواحد الرحمن رزاق عبيده

رب بأمره تشرق الشمس وتغيب__ له الاسامي والصفات الفريده

وعلى نبيا صحبته خير ما تخيب__ صلاة رب حافظه هو عضيده

سلام يا رأس العرب منقع الطيب __واثني سلامي لكل بني حميدة

احترت باسمك بين ضرغام أو ذيب __تستاهل الاسمين ما هي جديدة

يوم امدحك يا شيخ شيخ المواجيب__ الرأي عندك كل حله أو قيده

أنشهد انك من أخيار المناصيب__ له الشرف منصبك شرف تزيده

منوة كسيرا ما ينوش المقاضيب__ يطول يا كحيلان بك ما يريده

واضح مبين ما تحجبك محاجيب__ ينصوك حتى أهل الديار البعيدة

تبقى العظيم اللي يفك المناشيب__ وكل واحدا له حق حقه تعيده

ملفى اصعول القوم مهي الدغاليب__ أهل العلوم الوافيه والسديده

مقدم هل الطولات ما بهم عذاريب __لي الشرف في مدحهم بالقصيدة

اهل الكرم للضيف نعم المعازيب__ رجالهم الطيب يجري بوريده

عدوهم مكسور قدمه غواليب __هبيل عقل يحفر قبره بايده

الي اقبلوا هل السيوف المحاديب --ما هي سوالف بهرجه بالجريده

وان جيتهم ما يقصروا بالمطاليب__ ابشر بعزك ما يحسبوا الشديده

زبن الدخيل الي بلته المصاعيب __يامن اكبار المعظلات المكيده

للجود والمعروف دايم مكاسيب __افعالهم للطيب ماهي وليده

واسال عظيما بالسماء يعلم الغيب __يحفظ وطنكم بالامان أو يزيده

بظل المليك اللي أمجود اعن العيب__ رأس الوطن الهاشمي سيد سيده

أصون قولي عن وجع كل تكذيب __واخرس ألسانا كاذبا بالنقيده

وختامها على الذي قوله أمصيب__ صلاة ربا أرسله بالعقيدة

خميس بن حميد ابو ذراع البلوي

القصيدة قيلت عند زيارة الشاعر الى الاردن و التقائه بالشيخ خالد بن طريف شيخ مشايخ قبيلة بني حميده في بيت اللواء عطا الله كنيعان البلوي في محافظة مأدبا 2007.

صح لسان الشاعر على القصيد الجزلة

ويعطيك العافية اخوي بلي البلوات على الموضوع

يعطيك العافيه اخوي

بلي بلوات

صح لسان الشاعر خميس 0 وخالد بن طريف بستاهل والنعم

اذا سمحت لي ( يابلوي البلوات ) هناك تصحيح معلومه الشاعر هو خميس بن حمد 0 وليس حميد

اللوا 0 كنيعان بن عطأ 0 وليس عطالله