البارحه ليلي هموم وهواجيس ... وابعد من الجوزا علي الوناسه

صباح او مساء الخير
يقول

البارحه ليلي هموم وهواجيس
وأبعد من الجوزا علي الوناسه
نفسي وأنا والليل والهم وإبليس
كلن على الثاني يبي له رياسه
مدري هموم أو حب وإلا كوابيس
وإلا الثلاثه كلهن فوق راســـه
أو أن عقلي صاير فيه تنكيس
وللعقل في بعض الأمور إنتكاسه
ويالايمي لاتلومني قبل ماتقيس
اللوم للميس يزود بيآســـــــــــه
وأنا معي عقل ومشاعر وأحاسيس
وعيون وأخلاق وقلب وشراسه
لكن حصل لي من زماني متاعيس
وعجزت هذا الوقت لا أعرف لناسه
هذا يموهها بهرج التهاليس
وهذا تجاهلها عناد وخســــــاسه
وهذا يغرك مظهره بالملابيس
وهذاك يلبس لبس ماهو لباســـه
‏وهذا تذعذع له هبوب النسانيس
وهذاك تقل مغمغم له بطــــــاسه
وناس تهجس من غثى الوقت تهجيس
وناس تسايسها وتاتي سياســـــــه
وناس تبي عرش مثل عرش بلقيس
وناس تبي لو يوم فرقا التعاســـه
والناس بالدنيا حظوظ وقواميس
اللي غرف (بكريك) واللي بكاسـه
وترى الردي لو فيك سوى نواميس
يضحك على روحه ويرجع لساسه
وليا حصل لك من زمانك عواكيس
أصبر وللصبر الجميل إنعكاســـــه
وتدرسك دنياك من غير تدريس
ماهو لزوم انك تدرس دراســــــــه
قنعت واقنعني كتاب الوساويس
‏ لكن عقب ماصرف شيك الفلاسه ..

وسلامتكم
منقوووول

ابداع

جميل ما نقلته لنا عبدالله

وفقك الله

عبدالله جميل مانقلتة ورائعه وتشكر عليها
ولكن لي طلب لونقلت لنا اسم الشاعر
جزاك الله كل خير
وتقبل مروري