زوجتي ميكانيكيه

السلام عليكم ورحمة الله وبركاته

نحن خمسةاصدقاء اتفقنا كل يوم نجتمع في الاستراحه يا بلوت يا بلستيشن يامعسل شبة نار وعلوم زينه وش ورانا شباب ( لا احد ينقد ترى اغلبكم مر بحالتنا )

الزبده زادت الصداقة واصبحت قوية جدا جدا جدا لدرجة انني تزوجت اخت احد اصدقائي الذين اجتمع معهم بالاستراحه ( ونعم فيهم من قبيلتنا لااحد يخاف )

الحمد لله عايش بحياة هنيئة انا وزوجتي الغالية في يوم من الايام وانا في شهر العسل نتمشى في ربوع بلادي وتخبرون اللي دوبه يتزوج ما يفكر بالدراهم خصوصا بشهر العسل كل شي يرخص عنده ( ومن اجل عين تكرم مدينه ) مالكم بالطويله نتمشى بالطايف والجو غيم ونمشي شوي شوي بالسيارة نتأمل الطبيعه الخلابه اللي يشوفنا يقول ماشالله وش هالكناري.....
وعاد انا قمت اعلمها باسماء الاماكن اللي نمر فيها ونتفق وين نروح الليله وعلى هالموال .........

وفجئة واذا زوجتي قطعت سالفتي وتقول اسكت اسكت ارتبكت انا وقلت وش فيه قالت معاك صوت ( كرونه بالدفرنس طالعه يمكن مافيه زيت ) اما عاد على طول صفطت (يعني وقفت يمين ) واسالها انا ماخذ لي بنت والا ميكانيكي لازم الحين تعلميني وش دراكي بهالامور قالت خلاص اعلمك لاتعصب ...........

انتم كل يوم تجتمعون بالاستراحه ومعاكم زوج اختي ماشالله عليه مايكتم .............

كل شي يصير بطلعاتكم ورحلاتكم واستراحتكم يعلم به زوجته وبما اني اقابل اختي اكيد تعلمني بالعلوم اللي تاصلها .

قررت بعدها ان انفصل عن تلك الاستراحه وادور ناس كويسين يحفظون اسرارنا واعلومنا لان بعض العلوم ماهي لايقه على الحريم ( يمكن يزعلن علي ) .

تخيلوا نزلنا عن الخط يمين قالت الغاليه انتبه السياره ( لاتثولث ههههههههه )

(يوميات عزوبي / ابو قايش )

الله يسعدك ابو عنيزان
،،،،
دخول للترحيب ولي عوده موضوعك بقمة الروعه
كروعة اخلاقك
،،،،
شكرا لك

ههههههههه
الله يسعد قلبك
ويعطيك العافيه

الله يسعدك ابو عنيزان
،،،،
دخول للترحيب ولي عوده موضوعك بقمة الروعه
كروعة اخلاقك
،،،،
شكرا لك

الله يسعدك يابو حمد ويسعدني مرورك وترحيبك والمعذره اني مقصر حتى بالاتصال ارسل لي رقمك ياشيخ .......

حياك الله ياابن الخولي وشاكر ومقدر مرورك وقرائتك لمتصفحي

بعض آلرجال
خريطه
^^
ما يكتم علم وش يستفيد آلواحد يوم يعلم زوجته بآلشارده وآلوارده
وآلله عيب
شي ينقآل وشي ما ينقآل
^^^
ولآ تنسى بعض آلحريم توصف حتى آشكآل النساء ومستوى جمالهن لزوجها وآخوانها
ما تدري بكره ::::: طب :::::: ولآها طبينه
هههههههههههههههههههههههه
وهذى حصل
^^^
يآخي آنت رهيب
^^^
تقبل وآنا آخوك مروري
^^^
رىعي ريمآن