زيــــــــاره أولـــى

جد الجديد امن القصايد وجده=خذله معا صمت الليالي ليالي
تعبت أحده ثم أحده وحده=لين انثنا غالي على صدر غالي
رحت أتنقا له فراش ومخده=ورسم خياله وسط عيني وبالي
ياسيد الحسن الحسين ومرده=ياصفوة الصفوه لو الوقت طالي
يالمنتدى والشعر بك ضاع عده=سابي خياله لو وصفك وخيالي
له وقت يشكي من جمالك ومده=كامل ولله العطا والكمالي
أتعبت قافي بين روحه ورده=زايد معك ودي وزايد هبالي
جيتك وفي يدي من الورد ورده=من روض شعري فوق ذيك الطوالي
اما مسحت الدمع من فوق خده=ولا بلاش تكون عمي وخالي
تعبت أحد الصمت يا بحر جده=واضحك على نفسي واميل عقالي
حزني عميق وشدة الوقت شده=أزريت أناديها تعالي تعالي
يا ليت لي قدره على الوقت وارده=أو ليت ما يطري على البال غالي
يا لايمي لو لي على النفس صده=صديتها قدام عيني وفلالي
صديت عيني يوم شعره يكده=ولاعشت في جال الرموش الظلالي
وصديت عيني يوم براق خده=يبرق كما تبرق حقوق الخيالي
هذا وانا من جنس لو باح سده=تقلب هبوب جنوبها لشمالي
شاعر ولداته مع الشعر لده=يفرق بها فرق الوطا للجبالي
من ما يشوف بغربيته وصل حده=لا ربع دونه كود بعض الخوالي
ولي بليا ربع لا رحم جده=حتيش لو يملك عقار وريالي
جابه هنا ولا عن هنا اليوم صده=وجمعة بلي تسوى لو الدمع سالي
ربع(ن)لهم بالعز طرحه ومده=بين العرب واضح وضوح الهلالي
والله فوق الللام لاضيف شده=واجر باق السالفه والمقالي
واقول ياربعي ترا المدح شده=ما شالته ألا ظهور الجمالي
وانتم وحق ألي كفل رزق عبده=ترقون له وتحدرون الجلالي
شغله قديمه قبل شعري وبعده=حبيت أجددها سوات العيالي
جديد للي تالي الوقت جده=خذ له معا صمت الليالي ليالي

حللت أهلااااااااااااا
ووطأت سهلاااااااااااااااااااااااااااااا

اخي رائد محد السرحاني المحترم
يُشرفنا أنضمامك الينا,,,

حياك الله وبياك....
نأمل ان تُفيد وتستفيد,,,

أهلااااااااا بك ابو محمد...
بين أهلك وربعك,,,

تقبل أعطر تحياااااتي
وكل عام وانت بخير

ونعم فيك يابوعبدالله شاعر متمكن الى الامام والرب يرعاك

صح لسانك وسلم بنانك وعلى شأنك أيها الجزل


اطربت مسامعنا وارويتنا شعراً ورب محمد

أطيب المُُــنــى ،،

سلمان العرادي

رافع لك عقالي ماهي غريبه عليك يالسرحاني
صح لسانك .

:
:

محمد السرحآني

ووووصح لسآنك ملايين . . أطربتنا وأمتعتنا

وحيآك ربي . . وكن على ثقه بـ أننآ ننتظر مزيداً من إبدآعك