الـبـارحـة كنـّي عـلى الارض مـقـتــول=مــن هـرجـة ٍ عــوجـا تـفــج الـمـــرارة
جتني من اغلى انسان مدري وش اقول=خــســارة ٍ يـا كــبــرهـا مـــن خـســارة
غرست لي زرع ٍ ولا شفـت محـصـول=جــاه الـهـــوى واثــّـر عـلـيـه ابـغـبـارة
كنت احسب إنـّه صافي لـّي على طـول=مـا كـنت احـسـب الـوقـت فـيه استـدارة
حتـى عـرفـتـه زيــن والحـين مـذهــول=وقـت انهــزامي صـار وقــت انتصـارة
يـا شـينهـا لا صــرت بانـســان مـأمـول=وتـلـقـاه فـي دربـك يـحـذف الـحـجـارة
والحـسـد تـلـقـى صاحـبـه دوم مـعـلـول=اخـطــر مـرض بالجـسـم دون انهـيـارة
مـا هـمـنـي مــادام هـالـــدرب مــدلــول=امـشـي مـسـاري واتـركـه فـي مـســارة
عـرفـت مخـراجـي قـبـل ممـشي دخـول=وعــرفـت مـطــلاع الجـبـل وانـحــدارة
وش عــاد لـي فـي ديــرة ٍ كـلـّها محـول=فـيـهـا ســمـــوم غــبـار مـعـهـا حــرارة
ويـن الـربـيــع اللي عـلـى دايــر الـحول=و ألــقــاه لا مــنـّي لـفـيــتـه زيـــــــــارة
والـبـارحـة بـاللـيـل مــدري وش اقــول=خــســارة ٍ يـا كــبــرهـا مـــن خـســارة





.



.



.



سلطان القنيدي