ياخو ردة

بسم الله الرحمن الرحيم
السلام عليكم ورحمة الله وبركاتة
هذة القصيدة كتبتها عندما سافرت انا واخو ردة رحمة الله الى الاردن في يوم من الايام
ومرينا على جو تقطن فية البادية الأردنية أسمة شعيب الأغدف وعندما شاهدت بيوت الشعر وحياة البادية تأثرت وتذكرت الماضي وقلت هذة الأبيات

نار شبت في ضميري ياخو ردة=تقل يصهر فوق عين البرتغازي
اتصبر مير صبري باح سدة=قبل اشوف الزين مابي اهتزازي
الأغدف صار عندي مثل جدة=في عيوني مقتنع مذهب حجازي
الله اكبر عفت انا نوم المخدة=في جفوني تقل مرشوشاً قزازي
شفتها بالبيت كهرب نور خدة=والعيون السود فيها الموت غازي
والثنايا بيض صفاً مستعدة=من ورى حمر الشفايا يابو جازي
والجدايل فوق متنة مستهدة=منظراً جذاب يغريك افتزازي
عايشة بالبر تلحقها مكدة=مامشت بالسوق في روس النوازي
والسعودي عندة ظروف تحدة =والأوامر فرصتك يالأنتهازي
سفرتاً لاعادها الله من مودة=ليتني ضيعت يافالح جوازي

هذة القصيدة من نسج الخيال ويجوز للشاعر مالا يجوز لغيرة

خيال جميل وصح لسانك

صح لسانك ولاهنت على القصيده

شاعر مبدع