قصيدة:هليل سليم البلوي بمناسبة وصول الخطوط والكهرباء بقرية بداء

بسم الله الرحمن الرحيم

هذه القصيده للشاعر/هليل سليم عواد الوابصي البلوي

بمناسبة وصول الطرق المعبده والكهرباء الي قرية بداء في عهدخادم الحرمين الشريفين ملك الانسانيه الملك /عبدالله بن عبدالعزيز آل سعود ملك المملكه العربيه السعوديه حفظه الله ورعاه

ياخادم البيتين عساك تنصر=نصراًمن المولى عزيزالجلالي
عسى عدوك بالمحابيل يحشر=من البعيداشوي والا الموالي
احنا على يمناك بالخيروالشر=ان قلت هيا الصبر ماله مجالي
ملك القلوب بنجدنا فيه نفخر=يالله يامعديه غبرالليالي
يوصي على الامه عن البردوالحر=في المملكه جنوبها والشمالي
ريف المواطن يوم شربه يكرر=كأنه على جنب الغدير الزلالي
الكهرباعمت هل المدن والبر=واليوم جتنا فوق روس العوالي
مع الجبال الخط يظهرويحدر=وأدعا الهضاب الصم مثل الهيالي
وصلاة ربي عد ماهلت اشهر=واعدادماجا من المزون الخيالي

الشاعر/هليل سليم عوادالوابصي البلوي

العنوان/منطقة تبوك /محافظة الوجه/ قريةبداء