يـارب يـلـي لـك عـلـي تـسـعـه وتـسـعـيـن
ولـك الـحـمـد والـشـكـر ولـك الـنـار والـجـنـا

يـارب أنـا شـاعـر ولـي بالـشـعـر ثـنـتـيـن
عـيـن(ن)وقلـب(ن)مـا لـحـقنـي بـهن مـنـا

ولـي نـفـس مـاتـجـزع فـي عـسـرهـا والـليـن
يـلـعـبـلـهـا الـغـربـي وتـلـعـب لـه بـحـنـا

وعـن خـوة الـصـاقـط وعـن خـوة الـغـالـيـن
أضـحـك لـذا بالـقـلـب والـثـانـي بالـسـنـا

ولـظـيـف جـزه لـو عـلـيـنـا تـجـي بـالـديـن
خـوفـن مـن الـعذروب والـذم والـمـنـا

نـشـوم لـه فـي نـفـس نـمـسـك بـهـا الـخـطـيـن
والـيـا اسـتـون بـالـجـود شـديـنـا الأعنا

لأن الـعـلـوم الـطـيـبـه حـق للـطـيـبـن
ومـنـهـو نـسـاهـن بـالـمـجـيـات يـنـسـنا

وعـن مـقـصـدي مـاحـيـد لـو سـدو الـحـديـن
والـبـحـر لـو مـا عـاد تـبـحـر بـه سـفـنـا

يـابـوي لـو مـاهـم عـن الـمـشـتـكـي داريـن
حـزة غـدا فـي رايــهـم يـالـولـي صـنـا

والـلـه لـو مـاحـب(بـلـي)وحـب الـسـراحـيـن
وحـب الـشـمال ألـي عـيـونـك يـحـبـنـا

مـاجـيـتـهـم لـو دونـهـم زرق الـمـلايـيـن
يـاكـيـف كـنـت وكـيـف يـادنـيـتـي كـنا

أسـتـاهـل ألـي صـار مـنـك يـاحـظ الـشـيـن
يـاشـيـب عـيـنـي والـعـمر مـابـعـد سـنـا


الـروح فـدوه لـو سـويـعـاتـهـا تـعـوديـن
ويـعـود لـي شـعـري ويـعـود لـي فـنـا

مـا عـاد أنـا مـتـحـمـل الـبـيـت والـبـيـتـيـن
لاجـيـت أزيـن دلـة الـشـعـر والـبـنـا

وانـا الـذي قـبل ألـتـقـي سـاهـي الـلحـظـيـن
أمـلـي مـن أغـراض الـشـعـر شـاصـي ودنـا

مـابـيـن طـيـف وسـالـف أيـامـه ومـابـيـن
شـيـن فـريـد ولـنـوجـد بـالـمـلا مـنـا

مـاهـو عـشـان اللـيـل والـبـرق والـنـويـن
ولا شـهـدهـا ألـي جـامـر الـثـغـر ضـونـا


أنـا مـاذبـحـنـي الا لا قـلـت وش تـرجـيـيـن
مـنـي وانـا فـي حـبـك الـروح مـنـجـنـا

قـالـت أبـيـك وخـاطـري بـاقـي الـسـنـيـن
أضـحـك مـعـك واون لا جـاتـك الونـا

هـذا بـلاي ومـا عـدم حـالـتـي ذلـحـيـن
وهـذا عـشـانـه دمـعـة الـعـيـن مـنـدنـا

قـولـو لـهـا مـن غـيـر لايـشـعـر وتـدريـن
قـامـت صـواديـف الـلـيـالـي تـوطـنا

قـضـي الأمـر ألي فـيـه يـانـفـس تـسـتـفـتـيـن
عـيـشـي خـلاص ولـو تـعـيـشـيـنـهـا مـنـا

ان حـلـت الـذكـرى قـولـيـلهـا أهـلـيـن
وان روحـت غـنـي مـع الـورق مـن غـنـا