][ .. بيــــ^ـــت الشعـــــ^ــر ..][

أريد شوف البر وأحب ممشاه
ليا نبت عشبه وزان النواري

هو منوتي ياناس وأنا اتمناة
يدله ضميري فيه عن كل طاري

يازين بيت الشعر وياحلو مبناة
ليا من بنيته وسط ذيك القواري

بوسطه دلال ٍ على الحمر مركاة
شقر ٍ ثعالبهن من صلو الحواري

وجوك ربوع ٍ كل ابوهم منقاه
حلوة سوالفهم تزيل المراري

الكل منهم يطلقه فعل يمناة
والكل منهم للمراجل بضاري

اللي لفا ضيفاً واللي انت منصاة
واللي مسير من بيوت الجواري

ولياجرهد الليل وأنشاف ماطاة
تسمع رزيم مرضعات الحواري

قادن وردن عد كل ٍ ورد ماة
عليه جمع الذود مثل الصواري

كل ٍ حذف دلوة على عود مسناة
وأقفت سوانيهم تخبر المواري

هاذي حلات البر لا وحلالاة
راح الزمان ولابقت ذكاري

وسلامتكم : واتمنى ان تنال على أعجابكم

ابوياسر ..

يعطيك العافية ولاهنت على القصيده

جزل وأكثر يامحمد

نص إكتسى بروح البدآوه وجمآلها ..

صح نبضك وكلك

صح السانك


لاهنت

يعطيك العافية ولاهنت على القصيده

الله يعافيك وشاكر عل ى مرورك الكريم

[/quote]

لاهنت على المرور العطر