الرمش موته يلتقي فيه إحجاجه

رسمت من شوقي ضماه و تحنيت=و العقل أعلن للملا إرتجاجه
صديت عن شوقي دفاه و تلافيت=و الموج يرجي من سماه إندماجه
سكنت هاجوسي سكنته لنا بيت=لعل هاجوسي تجيه إنفراجه
لقيت نفسي في حلاها تربيت=كالعطر نام بحضن ذيك الزجاجه
شفّة زجاجه من هواها تلقيت=الطيب منها بعد مالقلب راجه
ناديت قلبي ليت ياليت ياليت=الشوق يبرد فوق إحساس صاجه
دريت حلمي من رجاها تمنيت=صحيت و أقفت بعد مالشوق ماجه
ونّه يتيمه من وجعها تونّيت=الراس موته بعد ماضاع تاجه
إحساسي دمعه داخل العين أخفيت=الرمش موته يلتقي فيه إحجاجه
سقتني كاسه من حلاها و تدفيت=حلاة غصن الزين في إعوجاجه
نوتني من بين الرجاجيل لاجيت=الحلم يطري من رجاه إحتياجه
عانيت لجله ليتني ما تعنيت=و الشوق نادى للوفا بإحتجاجه

من خربشاااااااااااااتي




ابو ريما

الله عليك يابوريما

دائما لك احساسك الخاص بك

الذي نعرفك به

ولايتقنه سوالك

انه الصدق

فأنت تكتب بأحساس صادق وشاعري

بارك الله فيك

ابوريما


صح بوحك



لاهنت

وبعد غيبه طويله جاء عذب الشعر يسبق صاحبه

إحساسي دمعه داخل العين أخفيت

الرمش موته يلتقي في إحجاجه

استاذي عوده حميده واتمنا ان تكون بصحه وعافيه شكرا لابداعك الا متناهي

مشكورين على الابداع والتألق

إحساسي دمعه داخل العين أخفيت
الرمش موته يلتقي في إحجاجه
سقتني كاسه من حلاها و تدفيت
حلاة غصن الزين في إعوجاجه


متابع لاحساسك بصمت
صح لسانك يابو ريما